Eńbek jáne halyqty áleýmettik qorǵaý mınıstri Asqarbek Ersaev Qazaqstanda BJZQ-dan zeınetaqy jınaqtaryn alý úshin jetkiliktilik shegin arttyrýdy josparlap otyrǵanyn aıtty, dep habarlaıdy Egemen.kz
О́sim salymshynyń jasyna baılanysty 79%-ǵa deıin bolýy múmkin. Bıliktiń jańa esepteýleri men formýlalary osy aıda resmı túrde jarııalaýǵa ýáde etildi. Demek, qatańdatylǵan jańa erejelerge baılanysty qazaqstandyqtarǵa zeınetaqydan artyq aqsha shyǵarý qıynǵa soǵady.
Eńbek mınıstrligi zeınetaqy júıesindegi bul sheshimdi eń aldymen qartaıǵan shaqta jınalǵan qarajattyń durys jumys isteýi úshin kerek dep túsindirdi. Vedomstvonyń málimetinshe, sońǵy bes jylda qazaqstandyqtar BJZQ-dan shamamen 5,7 trln teńge shyǵarǵan. Osy aqshanyń basam bóligi kredıtterdi jabýǵa jumsalǵan.
Mınıstr aqshany alýǵa tolyq tyıym salynbaıtynyn atap ótti. Qazaqstandyqtar áli de jınaqtaǵy aqshasynyń tıisti sheginen asqanyn paıdalana alady. Alaıda bılik onyń mólsherin qysqartýdy oılastyryp otyr.
BJZQ zeınetaqy aktıvteri 25,9 trln teńgege jetti
Esterińizge salaıyq, 2025 jylǵy 1 qyrkúıekten bastap Qazaqstanda BJZQ-dan zeınetaqy tólemderin taǵaıyndaý erejeleri ózgergen bolatyn. Endi zeınetkerlikke shyqqan azamattarǵa ótinish berýdiń jáne Qordyń bólimshelerine barýdyń qajeti joq. Barlyq rásimder avtomatty túrde oryndalady.