Jetisý oblysynda memlekettik qyzmetker qumar oıyndarǵa áýestengeni úshin qyzmetinen bosatyldy. Bul derek prokýratýra júrgizgen tekseris barysynda anyqtalǵan, dep habarlaıdy Egemen.kz.
Aqsý aýdandyq prokýratýrasynyń málimetinshe, sybaılas jemqorlyqqa qarsy zańnamanyń saqtalýyna júrgizilgen taldaý kezinde memlekettik organdardyń biriniń qyzmetkeri qumar oıyndarǵa turaqty túrde qatysyp kelgeni belgili bolǵan. Al qoldanystaǵy zańnamaǵa sáıkes memlekettik qyzmetshilerge mundaı áreketke tyıym salynǵan.
Qadaǵalaý organy mundaı qylyq memlekettik qyzmet bedeline nuqsan keltiretin tártiptik teris qylyq retinde baǵalanatynyn atap ótti. Prokýrorlyq qadaǵalaý aktisinen keıin atalǵan qyzmetker laýazymynan bosatylyp, jumystan shyǵarylǵan.
Atyraýda búldirshindi tepken tárbıeshi jumystan qýyldy
Prokýratýra ókilderi mundaı zańbuzýshylyqtardyń aldyn alý jumystary aldaǵy ýaqytta da jalǵasatynyn málimdedi. Sondaı-aq memlekettik qyzmetshiler zań talaptaryn qatań saqtap, qoǵam aldyndaǵy jaýapkershilikti sezinýi qajet ekenin eske saldy.
Eske salaıyq, buǵan deıin Soltústik Qazaqstan oblysynda qumar oıyn oınaǵan memlekettik qyzmetkerler jumystan qýylǵan.