О́skemen halyqaralyq áýejaıynda jańa kópmaqsatty L-410 ushaǵyn paıdalanýǵa berildi, dep habarlaıdy Egemen.kz.
Zamanaýı L-410 ushaǵy óńirdegi TJM avıasııasynyń múmkindikterin edáýir keńeıtedi. Áýe kemesi tótenshe jaǵdaılarǵa jedel den qoıýǵa, gýmanıtarlyq kómekti jetkizýge, qutqarýshylardy tasymaldaýǵa jáne jetýi qıyn aımaqtardan halyqty evakýasııalaýǵa arnalǵan. Ásirese kúrdeli relefi, taýly aýmaǵy jáne qatal klımattyq jaǵdaılary bar Shyǵys Qazaqstan oblysy úshin mańyzdy.
«Turǵyndarynyń edáýir bóligi taýly jáne jetýi qıyn aýmaqtarda ornalasqan bizdiń óńir úshin L-410 ushaǵynyń kelýi erekshe mańyzǵa ıe. Bul áýe kemesi tótenshe jaǵdaılar kezinde jedel áreket etý, izdestirý-qutqarý jumystaryn júrgizý jáne sanıtarlyq reısterdi oryndaý múmkindigin aıtarlyqtaı arttyrady», dedi Shyǵys Qazaqstan oblysy TJD bastyǵy Rashıd Blıalov.TJM eskertedi: Taýly aımaqtarda qar kóshkini júrýi múmkin
L-410 ushaǵy 2 570 shaqyrymǵa deıin ushýǵa, 6 100 metr bıiktikke kóterilýge jáne 19 jolaýshyny nemese 1 800 kılogrammǵa deıin júk tasymaldaýǵa qabiletti. Kabınasy dál navıgasııany jáne ushý parametrlerin tolyq baqylaýdy qamtamasyz etetin zamanaýı Garmin 3 000 avıonıkasymen jaraqtalǵan. Osy model sanıtarlyq avıasııaǵa da beıimdelgen.
Bortta aýyr naýqastardy tasymaldaýǵa arnalǵan zamanaýı zembilder men arnaıy júıeler ornatylǵan. Jaqyn ýaqytta áýe kemesin saqtaý jáne tehnıkalyq qyzmet kórsetýge arnalǵan angardyń qurylysy bastalady. Sondaı-aq óńir ekıpaj úshin jumys jáne demalysqa qolaıly jaǵdaı jasaýdy qamtamasyz etýge qatysady. Ekıpaj Chehııada ushaqty shyǵarǵan Omnipol kompanııasynyń oqý ortalyǵynda oqýdan ótti. Daıyndyq baǵdarlamasy ushý bóligin de, áýe kemesine tehnıkalyq qyzmet kórsetýdi de qamtydy.
TJM tikushaǵy kishkentaı náresteni ortalyq aýrýhanaǵa shuǵyl jetkizdi
Byltyr qarasha aıynda TJM avıasııalyq parki kez kelgen aýmaqqa qona alatyn ushaqpen tolyqty.