Áleýmettik jelilerde áıelderge arnalǵan master-klass kezinde túsirilgen vıdeo tarady. Kadrlarda qatysýshylar emosııasyn beıádep sózder aıtqan sátteri kórinedi. Atalǵan jaıtqa qatysty Almaty qalasynyń polısııa departamenti psıhologııalyq semınar barysynda qoǵamdyq tártipti buzý faktisine baılanysty pikir bildirdi, dep habarlaıdy Egemen.kz.
Beınejazbada kórsetilgendeı, júrgizýshi qatysýshylarǵa suraq qoıyp, olardan orynsyz sózdi qaıtalaýdy suraǵan. Is-shara kezinde keıbir qatysýshylar balaǵat sózder qoldanyp, aınalasyndaǵylarǵa qurmetsizdik tanytqan.
Osy derek boıynsha Medeý aýdany polısııa basqarmasy ákimshilik is qozǵap, is uıymdastyrýshyǵa qatysty «usaq buzaqylyq» baby boıynsha jaýapkershilik qarastyrǵan
«Almaty qalasynyń mamandandyrylǵan aýdanaralyq ákimshilik sotynyń sheshimimen quqyq buzýshyǵa 20 AEK mólsherinde ákimshilik aıyppul salyndy», delingen habarlamada.
Polısııa departamenti kez kelgen buqaralyq is-sharalar zań talaptary men qoǵamdyq tártip erejelerin saqtaı otyryp ótkizilýi tıis ekenin eskertti.
Eske sala keteıik, buǵan deıin dombyrany «haram» dep ataǵan aqtóbelelik turǵynnyń qamalǵanyn jazǵan edik.