Premer-mınıstrdiń orynbasary – Ulttyq ekonomıka mınıstri Serik Jumanǵarın Qazaqstanda IJО́ joǵary qarqynmen óskenmen, halyqtyń naqty tabysy nege tómen ekendigin túsindirdi, dep habarlaıdy Egemen.kz.
Ulttyq ekonomıka mınıstriniń aıtýynsha, IJО́-niń halyq tabysyna áseri birden baıqalmaıdy. Ázirese, shıkizat esebinen qalyptasatyn salalarda bul prosess uzaqqa sozylady.
«Mundaǵy basty másele ekonomıkanyń qurylymyna baılanysty. Eger ekonomıkalyq ósim kapıtaldy kóp qajet etetin nemese shıkizat salalary esebinen qalyptassa, onyń halyq tabysyna yqpaly ýaqyt óte kele (belgili bir kezeńnen keıin) ǵana baıqalady. Al qurylys, qyzmet kórsetý, aýyl sharýashylyǵy sııaqty eńbek resýrstaryna negizdelgen salalar damyǵan tusta, bul áser halyqqa áldeqaıda jyldam seziledi», dedi S.Jumanǵarın.
Nvidia-nyń tabysy Germanııa ekonomıkasynan asyp tústi
Mınıstr taǵy bir sebep retinde ekonomıkadaǵy tutyný deńgeıi taýarlar men qyzmetter usynysyna qaraǵanda jyldamyraq ósip jatqandyǵyn atap ótti. Iаǵnı, óndiris kólemi halyq suranysyna únemi ilese bermeıdi.
«Basqasha aıtqanda, óndiris kólemi suranystyń artý qarqynyna árdaıym ilese bermeıdi, bul baǵaǵa qosymsha qysym týdyrady. Belgili bir deńgeıde bul – ósip kele jatqan ekonomıka úshin tabıǵı qubylys, óıtkeni qysqa merzim ishinde óndiris kólemin kúrt arttyrý múmkin emes», dedi mınıstr.
Serik Jumanǵarın taǵy bir mysal retinde «orta tabys tuzaǵyn» atady. Bul degenimiz el belgili bir deńgeıge deıin damıdy, biraq odan ári tez sekirip óte almaıdy. Sebebi buryn kómektesken munaı sekildi salalar álsireı bastaıdy, al jańa baǵyttar áli tolyq damyp úlgermeıdi. Sonymen qatar mınıstr syrtqy faktorlardyń áserin de eskergen jón ekendigin atap ótti.
Eske sala keteıik, buǵan deıin Serik Jumanǵarın munaı óndirisi aqsamaǵanda, IJО́ ósimi 6%-dan asatyndyǵyn atap ótken edi.