Astanada Abaı dańǵylynyń bir bóligi ýaqytsha jabylady. Atap aıtqanda, A.Sembınov kóshesinen Respýblıka dańǵylyna deıingi jol ýchaskesinde jóndeý jumystary júrgiziledi, dep habarlaıdy Egemen.kz.
Ákimdik málimetinshe, atalǵan ýchaskege jol banydylaryn tóseý jumystary júrgiziledi.
«Osyǵan baılanysty, 18-22 mamyr aralyǵynda atalǵan ýchaskede qozǵalys ishinara jabylatyn bolady», delingen elorda ákimdiginiń resmı saıtynda.
Osyǵan baılanysty qalalyq ákimdik júrgizýshiler men jaıaý júrginshilerge júrý baǵytyn aldyn ala josparlaýdy eskertedi.
Eske sala keteıik, buǵan deıin S.Shaımerdenov kóshesiniń J.Nájimedenov kóshesinen A. Baıtursynov kóshesine deıingi aralyǵynda jol jóndeý jumystaryna baılanysty kólik qozǵalysy shekteletinin jazǵan edik