«Qazgıdromet» 2026 jylǵy qańtar aıynda elimizde jańa temperatýralyq maksımýmdar tirkelip, sonyń ishinde 51 jyl boıy saqtalǵan rekord jańarǵanyn habarlady, dep jazady Egemen.kz.
Máselen, qańtardyń birinshi onkúndigi búkil el aýmaǵynda, sondaı-aq ekinshi onkúndiktiń basynda ońtústikte kún raıy ádettegiden jyly bolǵan. Orta Azııa aımaqtarynan jyly aýa massalarynyń jyljýy kezinde birqatar óńirde tarıhı maksımýmdar jańarýyna áser etken. «Qazgıdromet» dereginshe, 11 qańtarda Qaraǵandyda aýa temperatýrasy +5,5 °C-qa jetip, 2016 jylǵy aldyńǵy rekordtan 1,5 gradýsqa joǵary bolsa, Shymkentte +17,4 °C tirkelip, 1987 jylǵy maksımýmnan (+17,3 °C) asty. Tarazda termometr baǵandary +19,3 °C-qa kóterilip, 1999 jylǵy burynǵy rekordty (+14,2 °C) aıtarlyqtaı basyp ozdy.
Aýa raıy: Boran men qatty aıazǵa baılanysty eskertý jarııalandy
12 qańtarda Aqtaýda aýa temperatýrasy +13,4 °C-qa deıin jylynyp, bul 2025 jylǵy rekordtyq mánnen (+9,7 °C) joǵary kórsetkish tirkeldi. Osy kúni Qaraǵandyda da +1,2 °C tirkelip, 1975 jylǵy maksımýmnan (+1,0 °C) asyp tústi. Osylaısha 51 jyl burynǵy temperatýralyq rekord jańarǵan. Semeıde aýa temperatýrasy +1,5 °C bolyp, 1975 jylǵy kórsetkishten (+1,0 °C) joǵary boldy. О́skemende aýa +4,4 °C-qa deıin jylyp, 1987 jylǵy rekordtan (+3,4 °C) asqan.13 qańtarda Túrkistanda +16,8 °C tirkelip, 1986 jylǵy maksımýmnan (+11,3 °C) joǵary boldy.
Elimizdiń úsh óńirinde aýa raıyna baılanysty joldar jabyldy
Sonymen qatar eldiń soltústik jartysynda sýyq aýa massalarynyń kelýine baılanysty temperatýra kúrt tómendedi. Túngi ýaqytta termometr baǵandary −30…−38 °C-qa deıin tússe, Shyǵys Qazaqstan jáne Abaı oblystarynda aıaz −40 °C-qa jetti. Marqakól meteostansııasynda −42,6 °C tirkeldi.
Endi aýa raıy boljamy sýrperkompıýter arqyly esepteledi
Astanada qańtar aıynyń ortasha temperatýrasy −14,3 °C boldy, bul klımattyq normadan (−14,5 °C) sál joǵary. Aıdyń eń joǵary temperatýrasy 11 qańtarda tirkeldi. Ol kúni kún raıy +1,6 °C shamasynda boldy. Eń sýyq kún 17 qańtar boldy, bul kúni aýa temperatýrasy −28,3 °C-qa deıin tómendedi.