Túrkistan qalasynda zaman talabyna saı kópfýnksıonaldy ıppodrom qurylysy aıaqtaldy. Osy nysannyń ashylý saltanatyna oraı, 16-21 naýryz aralyǵynda kókpardan álem chempıonaty ótedi, dep habarlaıdy Egemen.kz.
Oblys ákiminiń baspasóz qyzmeti habarlaǵandaı, baıraqty básekege álemniń 10 quramasy qatysyp, jalpy sany 200 sportshy ózara myqtyny anyqtaıdy. Chempıonattyń jalpy júlde qory – 30 mln teńge. Dúbirli doda Dúnıejúzilik kókpar federasııasy esebinen qarjylandyrylady dep kútilip otyr. Jarys baǵdarlamasyna sáıkes, 16-20 naýryz aralyǵynda toptyq oıyndar uıymdastyrylsa, 21 naýryz kúni sheshýshi aqtyq kezdesýler ótedi.
Qazaqtyń kókpary VI Dúnıejúzilik kóshpeliler oıyndarynyń resmı baǵdarlamasyna engizildi
Túrkistan tórinde ótetin álem chempıonaty ulttyq sportty halyqaralyq deńgeıde nasıhattap, kókpardyń bedelin arttyrýǵa baǵyttalǵan mańyzdy sporttyq oqıǵa bolmaq. Aıtýly synǵa elimizben qatar sheteldik saıahatshylar men sport jankúıerleri keledi dep josparlanǵan.
Qarasaı aýdanynda tartysty kókpar ótti