Alaıaqtar aılasyn asyra almady

Qyzyljar óńirinde alaıaq­tyq oqıǵalar kóbeıip barady. О́zgeniń dúnıe-múlkin, qara­ja­tyn túrli aldaý-arbaý jol­darymen qymqyryp ketetinderge laıyqty jaza qol­da­ny­latynyna qaramastan, mundaı áreketterdiń jurtshylyqty alańdatyp otyrǵan jaıy bar. Sońǵy jyldary qarmaqqa tul­ǵaly laýazym ıeleriniń iline bastaǵany baıqalady. Osy jáne basqa máseleler jó­ninde respýblıkalyq, jergilikti jýr­nalıstermen ót­kizgen bas­pasóz máslıhatynda oblystyq eko­no­­mıkalyq qyl­mys­qa jáne sy­baılas jem­qor­lyqqa qarsy kúres departamenti qyzmet­ker­leri málim­dedi. Departament bastyǵynyń orynbasary Raqymjan Ere­sov­­tiń aıtýynsha, byltyr alaıaq­tyqqa baılanysty 84 qylmys­tyq is qozǵalyp, 72-si sot qa­raýyna jiberilgen. Keltirilgen shyǵyn 600 mıllıon teńgeden asyp túsken. 80 mıl­lıon teń­ge­niń múlkine paıdalaný quqyǵy shektelgen. Nesıege baılanysty alaıaqtyq­tyń jıilep ketkeni, oǵan bank qyzmetkerleriniń qa­tystylyǵy alańdatady. My­sa­ly, ekinshi deń­geıli bankterdiń birinde nesıeleý bóliminiń bas­tyǵy qyz­metin atqarǵan Hodeev jalǵan qujattar ázirlep, 14,8 mıllıon teń­geniń nesıesin qal­taǵa bas­qan. Ol úshin jeke kásip­kerdiń kóńil kóterý-saýyqtyrý keshenin kepilge qoıǵan. Bul nysan basqa banktiń kepildiginde turǵanyn bile tura jasyrǵan. Ǵ.Músi­repov aýdanynyń soty Segiz­baevaǵa qatysty qylmys­tyq is qarap, bes jylǵa bas bostan­dy­ǵynan aıyrýǵa úkim shyǵardy. Jeke kásipker bankterdegi ne­sıe­lerińdi óteımin degen jeleýmen adamdardyń senimine kirip, 2 mıllıon teńge qarjylaryn qaqshyp ketken. Brıfıngte departament ókil­deri quryltaıshylyq, banktik, basqa da jalǵan qujattar jasaý arqyly ózgelerdiń iri múlkin ıelený oqıǵalarynyń da tolastamaı otyrǵanyn jetkizdi. «Alıakt» О́K jáne «Impek Treıd Market» JShS jetekshisi V. Mı­heenko men kommersııalyq bank fılıaldarynyń birinde qaýip­sizdik qyzmetiniń bastyǵy bol­ǵan V.Bondarenkonyń 645 mıllıon teńgeni qoldy etýi qyl­mys­tyq toptyń ábden esirip ket­kenin ańdatsa kerek. Olar­dyń erkin kósilýine bank bas­shy­­lary men qyzmetkerleri de múd­deli bolǵan syńaıly. Áıt­pese, esepte joq dúnıe-múlikter men jeńil kólikterdi kepilge qoıyp, basqalardyń atyna nesıe resimdeý isiniń qaraýsyz jiberilgenin nemen túsindirýge bo­lady? Qyl­mys­tyq áreketterge joldas-ja­randaryn, týǵan-týys­taryn da tartyp otyrǵan. Búginde Mıheenko men Bondarenko qamaýda otyr. Sottyń qaraýyna Qazaqstan-Reseı ýnıversıtetiniń rektory Amanjol Moldabaevqa qatysty qylmystyq is jiberilgen eken. Onyń qyzmet babyn asyra paı­dalanǵany, aqyly qyzmet kór­se­týde zańsyz kásipkerlikpen aı­nalysqany anyqtalǵan. Sóıtip, 90 mıllıon teńgeni ıemdenip ketken. Jýyrda oǵan qatysty taǵy bir soraqy jáıt áshkere­lenip, qylmystyq is qozǵaldy. Kúdikti seriktestik dırektory­nyń senimine kirý jáne aldaý-arbaý jolymen kelisim-shart jasasyp, 46 mıllıon teńge men mazýt alǵan. Ol úshin ýnıver­sıtettiń 4 ǵımaratyn kepilge salǵan. Shyn máninde bir ǵı­marat qana A.Moldabaevtyń aty­na resimdelgen. Oblystyq ká­sipkerlik jáne ónerkásip bas­qarmasynyń bastyǵy V.Pys­to­gov­tyń da alaıaqtyq aılasy aspannan kelgen. Ol jeke ká­sipkerdi bopsalaý maqsatymen 4 mıllıon teńgeni áldebir laýazym ıesi suratyp jatyr dep óz toryna túsirgen. Zýeva degen azamatsha 12 adamnyń 11 mıllıon teńgesin bókterip ketken. Bul qylmystyq ister sot qaraýyna jiberildi. Jeke adam­dardy aldaý-arbaý arqy­ly dú­nıe-múlikteri men qara­jattaryn sińirip ketýdi oı­laǵan Sartaev, A.Olenchýk, V.Olenchýk, B.Nur­ǵalıev, Omarov túrli merzimderge sot­talǵan. Jyl basynan beri alaıaq­tyqqa qatysty 7 qylmystyq is qozǵaldy deıdi departament bas­tyǵynyń orynbasary R. Eresov. О́mir ESQALI, Soltústik Qazaqstan oblysy.