Qaraǵandy oblysyndaǵy Jezqazǵan qalasynda kámeletke jasy jetpegen qyz balany zorlamaqshy bolǵan degen kúdikpen sheteldik azamat qamaýǵa alyndy. Bul týraly oblystyq IID baspasóz qyzmeti habarlady.
Oqys oqıǵa 19 qyrkúıek kúni oryn alǵan. Jezqazǵan qalasynyń 38 jasar turǵyny saıabaqta belgisiz bireýdiń 10 jasar qyz balaǵa qatysty jynystyq sıpattaǵy zorlyq-zombylyq áreketterin jasamaqshy bolǵanyn 102 nómerine habarlaǵan. Oqıǵa ornyna jedel jetken polısııa qyzmetkerleri Ońtústik Qazaqstan oblysynda turatyn О́zbekstan Respýblıkasynyń 23 jasar azamatyn ustady.
Qazirgi ýaqytta kúdikti ýaqytsha ustaý oqshaýlaǵyshynda qamaýda otyr. Oǵan qatysty sotqa deıingi tergeý amaldary júrgizilýde.
Qaırat Ábildınov