Táýelsizdiktiń 25 jyldyǵy qarsańynda Qazaqstan halqy Assambleıasynyń qoldaýymen erekshe avtokerýen Jetisýǵa qaraı bet túzedi. Bul shara «Jibek jolyndaǵy áńgimeler – «Ortalyq Azııa: óńir halyqtarynyń nıettestigi jáne kelisimi» atty halyqaralyq mádenıettaný jobasy aıasynda júzege asyp otyr.
Prezıdent janyndaǵy «Qoǵamdyq kelisim» ortalyǵynyń ókili Natalıa Kalashnıkovanyń aıtýynsha, joba 2007 jyly bastalǵan. Munyń negizin belgili ǵalym, mádenıettanýshy Murat Áýezov qalaǵan.
«Jibek jolyndaǵy áńgimelerge» aralasýǵa ótinish bildirýshiler sanynyń jyl saıyn kóbeıgenine qarap, álem elderiniń yntasy oıanǵanyn baıqaımyz. Áýel basta Ortalyq Azııa elderiniń mádenı basqasýy formatynda bastalǵan shara qazirgi kúni halyqaralyq deńgeıge jetti. Bıylǵy jyly eýropalyqtar qyzyǵýshylyq tanytty», – deıdi Natalıa Kalashnıkova.
Avtokerýen Almaty oblysynyń Kerbulaq aýdanyn basyp ótip, Shoqan Ýálıhanovtyń eskertkishine taǵzym etedi. Munan soń Uly Jibek joly baǵytymen tanysyp, jol boıyndaǵy Shyńǵyshan ordasyn tikken tóbe aıaldaıdy. Al tizbektelgen kóshtiń túıini Taldyqorǵanda ótetin mádenı konferensııada túıiledi.
«Jibek jolyndaǵy áńgimelerge» elge belgili tulǵalar, halyqaralyq sarapshylar men Reseı, Qyrǵyzstan, О́zbekstan, Tájikstannan kelgen jetekshi ǵalymdar qatysady.
Qalmahanbet MUQAMETQALI