Premer-Mınıstrdiń birinshi orynbasary Asqar Mamın bastaǵan Qazaqstan delegasııasy Tashkentte boldy dep habarlaıdy primeminister.kz. Capar barysynda О́zbekstan prezıdenti mindetin ýaqytsha atqarýshy Shavkat Mırzıeevpen kelissózder boldy.
Shavkat Mırzıeev Qazaqstan basshysyna О́zbekstan halqy jáne jeke óz atynan alǵys aıtty. «Qıyn kúnderde Nursultan Ábishuly janymyzda boldy. Qazaq halqy – bizdiń senimdi de adal ári jaqyn dosymyz» dedi ol.
Sonymen qatar Mırzıeev eki el arasyndaǵy saýda-sattyqtyń jaǵymsyz úrdisterin ózgertý qajettigin aıtty. «Az ýaqyt ishinde saýda aınalymyn eki ese arttyryp, bes mıllıard dollarǵa jetkizýimiz kerek» dedi ol.
Asqar Mamın Qazaqstan basshysy Nursultan Nazarbaevtyń О́zbekstanmen yntymaqtastyqty damytýǵa aıryqsha mán berip otyrǵanyn jetkizdi.