Oblys delegasııasy astanalyqtardy úsh kún boıy óńirdiń tarıhymen, mádenıetimen, jetistikterimen tanystyrady, dep habarlaıdy atalǵan óńir basshylyǵynyń resmı saıty. Mádenıet kúnderiniń aıasynda astanalyqtardyń nazaryna birqatar mádenı baǵdarlamalar usynylady. Atap aıtqanda, birqatar spektaklder jáne atalǵan oblys ónerpazdarynyń qatysýymen «Uly Dala Ulysym!» atty konserttik baǵdarlama qoıylady dep kútilýde.
Sonymen qatar, búgin jambyldyq taýar óndirýshiler arnaıy uıymdastyrylǵan jármeńkege qatysady. Jármeńkege jalpy quny – 237,5 mln teńge bolatyn, salmaǵy 300 tonnadan asatyn 30-dan astam ónim túrleri qoıylady. Onyń ishinde 10 tonna jylqy, 1,4 tonna taýyq eti, 5 tonna shujyq, 10 tonna sút ónimderi, 11 myń dana jumyrtqa, 1,5 tonna kondıterlik jáne 6 tonna makaron ónimderi bar. Sondaı-aq, astanalyqtarǵa 10 tonna qant, 0,5 tonna tuz, 5 tonna balyq, 2,2 tonna bal, 4,2 tonna qymyz ben shubat jáne 245,3 tonna jemis-jıdek pen kókónister usynylady.
«Egemen-aqparat»