Qyrǵyzstan tótenshe jaǵdaılar mınıstrligi janyndaǵy órt qaýipsizdigi jónindegi agenttiktiń dırektory Mırlan Moldokmatov osy laýazymdy qyzmetine taǵaıyndalǵanǵa deıin úsh márte qylmystyq jaýapkershilikke tartylypty. Oǵan qyzmet babyn asyra paıdalaný, jemqorlyq qylmys sııaqty teris áreketteri sebep bolypty. Bul jóninde Qyrǵyzstannyń bas prokýratýrasy habarlaǵan.
Osyǵan baılanysty bas prokýratýra el premer-mınıstri Almazbek Atambaevqa zań buzýshyǵa qarsy shara qoldaný týraly usynys engizgen. Al M.Moldokmatov ne búldirip qoıdy degenge kelsek, ol 2008 jyly kásipkerlerge órt sóndirý bólimi aýmaǵyn zańsyz jalǵa beripti. Kelesi jyly qyzmet ornyn esh sebepsiz tastap ketýine baılanysty ústinen qylmystyq is qozǵalǵan. Sondaı-aq memlekettik satyp alýlardy joǵary baǵa qoıý arqyly júzege asyrǵan.
Túrik modeline nemis vızasy berilmedi
Túrik modeli Sezgı Melek Tıýzel Germanııada ótetin modelder baıqaýyna qatyspaq nıette edi. Biraq oǵan Germanııa vızasy berilmeı tastaldy. Al basqa elderden konkýrsqa qatysýshylardyń barlyǵy óz ýaqytynda qoldaryna vıza alyp úlgergen. Tipti Afrıkanyń keıbir elderiniń sulýlaryna da vıza esh qıyndyqsyz berilse kerek.
Germanııada ótetin modelder konkýrsynyń fınaly 16 naýryzǵa belgilengen eken. Oǵan qatysatyndar tiziminde túrik modeliniń aty-jóni áli kúnge joq kórinedi. Jalpy, sońǵy ýaqyttarda Túrkııa turǵyndary nemistiń dıplomatııalyq vedomstvosy tarapyna kóptegen shaǵymdar túsirip jatyr. О́ıtkeni, olarǵa vıza keıde keshiktirilip berilse, keıde múldem berilmeıdi eken.