Qazgıdromet dereginshe, túnde respýblıkanyń eki óńirinde qatty aıaz kútiledi. Shyǵys Qazaqstan oblysynyń soltústigi men shyǵysynda -40°S-qa deıin, Qaraǵandy oblysynyń shyǵysynda -35°S-qa deıin aıaz kútiledi.
Sınoptıkterdiń málimetinshe, Qazaqstan aýmaǵynyń basym bóligi antısıklon sileminiń yqpalynda bolady. Sonyń áserinen jaýyn-shashynsyz, ashyq aýa raıy saqtalady.
Al ońtústik óńirlerde, sondaı-aq eldiń ortalyǵy men shyǵysynda atmosferalyq fronttardyń áserinen aýa raıy qubylmaly bolady. Jaýyn-shashyn túsedi, ońtústik óńirlerde keı ýaqytta nóserli jaýyn-shashyn kútiledi. Kóktaıǵaq pen boran boljanyp otyr.
Sonymen qatar respýblıka boıynsha tuman túsip, jeldiń jyldamdyǵy 15-20 m/s-qa deıin kúsheıýi múmkin. Ońtústik, ońtústik-batys jáne ońtústik-shyǵys óńirlerde jel ekpini keı ýaqytta 25-28 m/s-qa deıin jetedi.