Týǵan jer – altyn besik

El prezıdenttiginen úmitker Jambyl Ahmetbekov óziniń týǵan jeri – Aqmola oblysy Qorǵal­jyn  aýdanyna arnaıy atbasyn buryp, jergilikti saılaýshy­lar­men kezdesý ótkizdi. Úgit-nasıhat tobynyń quramynda Qazaqstan Kommýnıstik halyqtyq partııasy Ortalyq komıtetiniń músheleri, prezıdenttikten úmitkerdiń senim bildirilgen adamdary jáne jýrnalıster qaýymy boldy. Qorǵal­jyn aýda­nyna kelgen olar aýdan kóshesin qyzyl týmen júrip ótip, jergilikti halyqty prezıdenttikke kandı­dattyń úgit-nasıhat to­by­nyń kelgendiginen habardar etti. Aýdan ishinde uıymdastyryl­ǵan is-shara Jambyl Ahmet­bekov­tiń týǵan jeri jáne ósken ortasy – Shalqar aýylynda jalǵasyn tapty. Aýyl turǵyndary óz jerlesterin jyly júzben qarsy al­dy. Mektep jasyndaǵy balal­ar­dyń bar nazary aýyldyń qurmetti qonaǵynda boldy. Olardy birinshi kezekte J.Ahmetbekovtiń bola­shaqtaǵy josparlary men maqsat-murattary qyzyqtyrdy. Máse­len, oqýshylar «Eger prezıdent bolsańyz, qandaı máselelerdi shesher edińiz?», «Memleket basshy­sy bolýy úshin eń aldymen ne kerek?» degen turǵyda ózderin qy­zyqtyrǵan saýaldardy qoıdy. Iаǵnı, bul kúni aǵa býyn ókili men keıingi tolqyn arasynda áserli áńgime órbidi. Al J. Ahmetbekov óz kezeginde jasóspirimdermen pikirlesý barysynda eldiń bola­shaǵy árqaısymyzdyń qolymyzda ekenin, sondyqtan, eń bastysy – memlekettiń búgingi jaǵdaıyna, Otanymyzdyń bolashaǵyna nem­quraıly qaramaý qajettigin basa aıtyp ótti. Úgit-nasıhat sapary bary­syn­da prezıdenttikten úmitker ózi týyp-ósken, balalyq shaǵy ótken úıge de atbasyn tiredi. Jambyl Ahmetbekov – kóp balaly ot­basynda erjetken. Ákesi Aýjan Jambyl 7 jasta bolǵanda dúnıe­den ótedi. Sóıtip, ol jastaıynan tirshiliktiń ashy dámin tatyp ósedi. Anasy Kúlshaıraǵa otba­syn bir ózi ǵana asyraý ońaıǵa túspeıdi. Sondyqtan, Jambyl otbasynyń úlken balasy retinde eńbekke erte aralasady... Búginde Kúlshaıra apa 83 jasqa tolyp otyr. Batyr ana. Aq jaýlyqty áje­niń qasynda qazirgi tańda onyń qyzy, Jambyl Ahmet­be­kov­t­iń úlken ápkesi Sáýle bar eken. Prezıdenttikten úmitkerdiń úgit-nasıhat tobynyń quramynda son­daı-aq, Almatydan arnaıy kelgen ártister – «Qara jorǵa» óner ujy­my boldy. Olardyń qa­ty­sýy­men Qorǵaljyn aýyly­nyń má­denıet úıinde konsert uıym­dastyryldy. Konsert baǵ­dar­la­masy kezinde Jambyl Ah­met­bekov­tiń ózi sóz alyp, saı­laýaldy tuǵyrnamasynyń basym baǵyt­taryna toqtalyp ótti. Atalǵan is-shara aıasynda Qa­zaqstan Kommýnıstik halyqtyq par­tııasynyń hatshysy Vladıslav Kosarev partııa sheshýge, túıtkilin tar­qatýǵa múddelilik tanytyp otyr­ǵan máselelerdi áńgime ózegine aınal­dyrdy. Kezdesý sońynda aýyl tur­ǵyndary Jambyl Ahmetbekovke el­diń qarapaıym jumysshylaryna moraldyq qoldaý kórsetkeni úshin alǵystaryn jetkizdi. Láıla EDILQYZY. Aqmola oblysy.