Máskeýdi tańqaldyrǵan Erkesh

Eger «Qazaqstan» ulttyq arna­syn­daǵy «Aıgólek» baıqaýynyń kúndeligin kórip júrgen bolsańyz, sondaǵy Erkesh esimdi súp-súıkimdi balaqaıǵa birden nazaryńyz túseri daýsyz. Boıyndaǵy ártistik qabi­leti men balalyq shynaıy peıili arqyly kórermenderdiń yqy­lasyn jaýlap alǵan Erkesh osy baıqaý­dyń júrgizýshisi. «Aıgólektiń» bu­dan aldyńǵy jobalarynyń biriniń jeńimpazy. Tup-tunyq daýysy men mýzykalyq talǵamy bar ónerli bala. Jýyrda biz Erkeshtiń Reseıdiń 1-shi arnasy uıymdastyrǵan eń tańdaýly jobalarynyń biri «Mınýta slavy» baǵdarlamasynda sý­per­fınalǵa ótkeninen habardar bol­dyq. Redaksııamyzǵa ádeıi at basyn burǵan QR eńbek sińirgen ártisi, ánshi ári sazger Marat Omarov óz shá­kirtiniń ónerdegi jetistigi týra­ly tolǵana baıandady: «Erkeshti osydan úsh jyl buryn «Balbóbek» baıqaýyna qatysyp, bas júlde alǵan kezinen bastap bilemin. Sodan aldymen syrttaı baqyladym. Alǵashqy áser aldamshy bola ma de­gen de oı ǵoı. Sóıtsem, olaı emes. Neshe túrli konsertterge qa­ty­syp júrgen balanyń daýysy shynynda da tabıǵı, dıapazony keń. Qazaq «bulaq kórseń kózin ash» demeı me? Sonaý Aqtóbeniń Hromtaý aýdanynan shyqqan jetkinshekti shákirtim retinde tárbıeleýge bel býdym. Ári anasynan jastaı aıy­ry­­lyp, ápkesiniń qolynda tárbıe­le­nip jatqan balaǵa erekshe yqy­la­sym aýdy. Mine, jetistigimiz jaman emes. Erkesh sýperfınalǵa ótý ar­qyly Reseı men sheteldikter birigip túsirgeli jatqan kóp serııaly fılmde balanyń rólin somdaýǵa usynys aldy. «Mınýta slavy» baǵ­dar­lamasy jasóspirim men jasa­mys ta qatysa alatyn shoý. Biraq, oǵan qatysý ońaı sharýa emes. Qa­ty­sý­shylar da, qazylar da álemdik deń­geı­de saralanady. Sonyń ishinen sý­perfınalǵa joldama alý úshin shyn máninde talantty bolý kerek. О́ıt­keni ol aqsha berip at ja­saıtyn jer emes. Bári kórer­menniń kóz aldynan ótip jatady. Kórer­men ózi de SMS arqyly daýys beredi». Qazaq qoǵamy Marat Omarov­tyń balalar úshin neshe túrli baı­qaýlar uıymdastyryp, odan qalsa talantty balalardy taýyp, olar­dyń ónerdegi jolyn ashyp júr­geni­nen habardar. «Ánshi balapan», «Balbóbek» arqy­ly tanymal bol­ǵan balalar osy kún­deri talantty jastardyń qatarynda júr. Jýyr­da ǵana «Aıgólek» baı­qaýynda bas júlde alǵan Meıirlan Shá­kenov pen júldeli orynnan kó­ringen Má­dı­na Eralıeva esimdi 8 jasar qyz bala da sazgerdiń shákirtteri. Ol óziniń ar­many shákirt tárbıeleý ekenin, olar tek qazaqstandyq sahnada emes, álem­dik sahnalarda án shyr­qasa dep tileıtinin jasyr­mady. Sol úshin de elor­da­myzdan halyq­aralyq «Talant» óner ortalyǵyn ashypty. Bul orta­lyq­­qa naǵyz ta­bıǵı daryny bar ta­lant­ty bala­lar­dy toptastyr­ǵysy keletin sazger aǵamyz olardy elimizdiń shalǵaı aýyldarynan izdeýge de beıil. Aıta keteıik, bul or­talyq resmı túrde 23-shi naýryzda ashy­latyn bol­ǵanymen, Erkesh Hasendi ortalyqtyń alǵashqy qarly­ǵa­shy deýge bolady. О́ıtkeni, us­tazy shet eldermen baı­la­nys jasaýdy bas­tap ta ketken. Árıne, «Mınýta sla­vy» j­o­ba­syna qatysý­dyń múmkindigi op-ońaı bola qoımaıdy ǵoı. Aıgúl SEIILOVA.