Jetisý oblysy aýmaǵynda týrızmdi damytý aıasynda Balqash kóli jaǵalaýynda alǵash ret «Balkhash Winter Fishing – 2026» qysqy balyq aýlaý festıvali ótti. Sharaǵa Astana, Almaty, О́skemen, Taldyqorǵan qalalarynan kelgen áýesqoı balyqshylarmen qatar Úndistan men Iаkýtııadan arnaıy shaqyrylǵan trevel-blogerler qatysty, dep habarlaıdy Egemen.kz.
Festıval oblystyq týrızm basqarmasy, «Visit Zhetysu» týrıstik aqparattyq ortalyǵy jáne Sarqan aýdany ákimdiginiń qoldaýymen uıymdastyryldy. Negizgi maqsat – Balqashty tek jazǵy demalys orny emes, jyl boıy kelýge bolatyn týrıstik baǵyt retinde tanytý jáne qysqy týrızm áleýetin arttyrý. Sonymen qatar ekologııalyq mádenıetti qalyptastyrý máselesine de basymdyq berildi.
О́skemende zańsyz aýlanǵan 4 tonnadan astam balyq tárkilendi
Qatysýshylar muz ústinde tórt saǵat boıy balyq aýlap, arnaıy shatyrlar, qural-jabdyqtar jáne jyly oryndarmen qamtamasyz etildi. Festıval qorytyndysynda «Balqash oljasy», «Altyn olja», «Muz patshasy» nomınasııalary boıynsha jeńimpazdar marapattaldy.
Aqmola oblysynda zańsyz balyq aýlaǵan eki turǵyn sottaldy
Almatylyq qatysýshy Ásel Qubasheva festıvaldiń joǵary deńgeıde uıymdastyrylǵanyn atap ótse, úndistandyq trevel-bloger Shah Hýsaıb Balqashtyń qysqy kelbeti erekshe áser qaldyrǵanyn jetkizdi.Uıymdastyrýshylardyń aıtýynsha, bul bastama Jetisý óńiriniń týrıstik brendıngin qalyptastyrýǵa jáne jańa baǵyttardy damytýǵa serpin beredi.