Qobda aýdandyq Mádenıet úıi janynan ashylǵan fıtnes-klýbtyń basty ereksheligi – biryńǵaı áıelderge arnalǵandyǵynda. Fıtnes-klýb ashýdy budan eki jyl buryn aýdan ákimi Lıýbov Ismaǵambetova usynǵan. Igi bastamanyń júzege asýyna aýdandyq mádenıet jáne tilderdi damytý bóliminiń bastyǵy Aıgúl Jumaǵulova muryndyq boldy.
Sport-saýyqtyrý nysany ashylǵan kúni-aq 20 áıel klýbqa aqysyn tólep, jattyǵýǵa tilek bildirdi. Aptasyna eki ret bir saǵattan ótetin jattyǵýlarǵa aýyl áıelderi erekshe qyzyǵýshylyq tanytyp otyr. Jattyǵý zalyndaǵy quraldardy satyp alýǵa 236 myń teńge qarajat jumsalǵan.
Satybaldy SÁÝIRBAI.
Aqtóbe oblysy.