Ýnıversıtetterde bilim men ǵylym ushtastyrylady

Bıylǵy Joldaýdaǵy maqsat-mindetterdi múltiksiz atqarý jó­ninde Bilim jáne ǵylym mınıstrliginde alqaly jıyn ótti. Al­ǵashqy sózdi mınıstrliktiń jaýap­ty hatshysy Bolatbek Ábdirá­si­lov alyp, «Sapaly bilim Qazaq­stan­nyń ındýstrııalanýy men ınnovasııalyq damýynyń negizi bolýy tıis» degen basty qaǵı­da­ny alǵa tartyp, sol boıynsha irgeli mekemeniń atqaratyn  jumy­sy men alda turǵan mindetterin saralady. 2020 jylǵa deıingi bilimdi damytýdyń memlekettik baǵ­darlamasy boıynsha is-qımyl­dardy da alǵa tartty. Alqa jıy­nynda akademık M.Jurynov, Tu­ran ýnıversıtetiniń rektory R.Alshanov, L.Gýmılev atyndaǵy Eý­razııa ulttyq ýnıversıtetiniń rektory B.Ábdiraıymov, D.Serikbaev atyndaǵy Shyǵys Qazaqstan memlekettik ýnıversıtetiniń kafedra meńgerýshisi M.Dýdkın Astana qalasyndaǵy №40 mekteptiń dırektory E.Irgebaı t.b. oılaryn ortaǵa saldy. Alqa jıynyn qorytyndy­la­ǵan Bilim jáne ǵylym mınıstri Baqytjan Jumaǵulov Joldaýdyń aıasynda sheshimin tabatyn isterdi jan-jaqty baǵamdap, on jylǵa arnalǵan memlekettik baǵdarlama boıynsha atqarylatyn jumys­tar­ǵa elimizdegi jáne álemdik da­mýdaǵy ózgerister engizilip oty­ratynyn, ár jyl saıyn jańaryp jatqan órkenıet kóshinen qalmaý kerektigin atap ótti. Ásirese, ýnıversıtetterde bilim men ǵylym­nyń ushtas júrgiziletinin ǵyly­mı-zertteý ınstıtýttarynyń bó­lek ekenin, aldaǵy ýaqytta birtindep zertteý ýnıversıtetteriniń de ashyla bastaıtynyn jetkizdi. So­nymen qatar, ǵylym salasyndaǵy ózgeriske baılanysty Ulttyq ǵy­lymı keńestiń qurylatynyn, oǵan bilim-biligi myqty azamat­tar­dy tartý qajettigin nazarǵa saldy. Jastar tárbıesine kelgende eski súrleýmen bul jaýapty isti oqý oryndarynyń basshylary oryn­ba­sarlaryna tapsyryp qoı­maı, ti­keleı ózderi aınalysý qa­jet­ti­gin qadap aıtty. Al joǵary oqý oryndaryn ońtaılandyrý má­sele­sinde  bárin halyqtyń sura­ny­sy sheshetinin, qajet maman­dar­dy daı­yndap jatqan joǵary oqý oryn­daryna qashanda jol ash­yq ekenin alǵa tartty.  Ol sony­men qatar, túrkitildes memleket­terdiń bizdiń Ota­nymyzda sha­ńy­raq kótergen aka­demııasyna, táý­el­­siz memle­ke­ti­mizdiń 20 jyldy­ǵyna bilim-ǵy­lym salasynda júr­gen ár azamat óziniń úlesin qosý kerektigin de bildirdi. Súleımen MÁMET.