Keshe Qazaqstan Parlamenti Májilisiniń Tóraǵasy Oral Muhamedjanov Bashqurtstan Respýblıkasy Quryltaıy – Memlekettik Jınalysynyń Tóraǵasy Konstantın Tolkachevpen kezdesti. Onda Qazaqstan men Reseı arasyndaǵy baılanys, parlamentaralyq yntymaqtastyq máseleleri sóz boldy, dep habarlady osy palatanyń baspasóz qyzmeti.
Kezdesý barysynda tarıhy tereńde jatqan týystyq baılanystar, rýhanı-mádenı uqsastyqtar jóninde aıtyldy. Taraptar búgingi tańda Keden odaǵy sheńberinde jáne qurylyp jatqan Birtutas ekonomıkalyq keńistik aıasynda saýda-ekonomıkalyq yqpaldastyqty damytý jaıy týraly pikir almasty.
Osy kelisimderdiń nátıjesinde saýda aınalymy arta túsetini anyq. «Brestten Vladıvostokqa deıingi aýmaqtaǵy 170 mln.-daı turǵyndy qamtıtyn aýqymdy rynok alańy paıda bolyp otyr», – dedi Májilis Tóraǵasy. Sondyqtan da jańa qatynastardy retteý úshin zańnamalyq qamtamasyz etý jónindegi másele erekshe ózekti ekenin baıqaýǵa bolady.
Májilis Tóraǵasyna kezdesý ústinde Konstantın Tolkachev: «Bashqurtstan halqy Nursultan Ábishuly Nazarbaevtyń bizge kelgen saparyn áli kúnge umytqan joq. Bizge taǵy da qonaqqa kelse, óte qýanyshty bolar edik. Osy sálemimizdi jetkizýińizdi suraımyz», – dedi.