Shymkentte qarapaıym ınjener men dánekerleýshi sıyrdyń qıynan bıogaz alatyn modýldi júıeni jasap shyqty, dep habarlaıdy Habar24.
О́zge jobalardan ereksheligi, qondyrǵy tolyqtaı qolmen qurastyrylǵan. Oǵan qosa, qıdy jeıtin bakterııany da ózderi tapty. Qos óner ıesi 30 tonnalyq alǵashqy reaktordy ashyq aspan astynda qurastyrypty. Qondyrǵy aýa raıyn talǵamaıdy. Iаǵnı jyl 12 aı jumys isteı beredi. Bir ereksheligi, shıkizat retinde tek iri qara maldyń qıyn ǵana qoldanady. О́ıtkeni odan bólinetin metan qómirqyshqyl gazyna qaraǵanda qorshaǵan ortaǵa áldeqaıda zııandy eken.
"Orta eseppen 30 tonnadan kúnine 480 kýb taza metan aýaǵa ketedi. Ol joǵary azon qabatyn bylǵap, qorshaǵan ortaǵa zııany óte kúshti. Metan kómirqyshqyl gazyna qaraǵanda 28 ese qorshaǵan ortaǵa zııandy. Sondyqtan malaqty paıdalanyp jasap jatyrmyz," - deıdi ınjener-elektronshy Salaýat Daýylbaev.
Qondyrǵynyń qurylymy óte qarapaıym. Kádimgi qıǵa sý qosylyp, jabyq bóshkeniń ishinde aralastyrylady. Sol kezde onyń quramyndaǵy metan bólinedi. 1 tonna bıomassadan 27 kýb metan alynady eken. Bóshkedegi gaz 18 kún boıy janyp turady. «Modýldi júıe shaǵyn aýyl men óndiristi tutastaı gazben qamtýǵa jetedi», - deıdi ónertapqyshtar.
"Metannyń tazalyǵy 75-80%. Ońaılyqpen kózge kórinbeıdi. Sizderge qaǵazdy otaldyrý arqyly kórseteıin. Arasynda kishkene kómirsýtek bar. Baıqaǵan shyǵarsyzdar, qyzyl bolyp janyp turǵan sol kómirsýtek. Odan keıin ammıak bolady. Olardy arnaıy qondyrǵy arqyly alyp tastaı alamyz," - deıdi ınjener-elektronshy Salaýat Daýylbaev.
Jańa júıeniń syzbasyn ózderi jasaǵan. Sısternanyń ishine qıdy aralastyratyn uzyndyǵy 8, eni eki metr bolatyn bilte temiri men qalaqsha ornatylǵan. Kóbine shirimeıtin temir qoldanylǵan. Dánekerleý jumysy asqan uqyptylyqty qajet etedi. «Sebebi ıneniń jasýyndaı tesik qalsa, bar jumys zaıa ketedi», - deıdi dánekerleýshi Aslan Tursynhanov.