Jedel-izdestirý sharalary barysynda 6 aqpan kúni Astana qalasyndaǵy turǵyn úı keshenderiniń birinde 30 jastaǵy er adam men onyń sybaılasy bolýy múmkin 46 jastaǵy taǵy bir kúdikti qolǵa tústi, dep habarlaıdy Egemen.kz.
Ishki ister mınıstrliginiń málimetinshe, aqpan aıynyń basynda kúdiktiler Qaraǵandy qalasyndaǵy Gýdermeskaıa kóshesinde ornalasqan jeke turǵyn úıge zańsyz kirip, 8 altyn buıymdy, shamamen 150 myń teńge kólemindegi aqshany jáne 200 AQSh dollaryn urlaǵan.
Tintý barysynda kúdiktilerden altyn saqınalar, shamamen 400 myń teńge kólemindegi qarajat, túrli telefon jáne búktelmeli pyshaqtar tárkilendi.
Atalǵan derek boıynsha qylmystyq is qozǵalyp, sotqa deıingi tergeý júrgizilip jatyr.
Aıta keteıik, buǵan deıin Túrkistanda 21 adamdy 125 mln teńgege aldaǵan qylmystyq top anyqtalǵanyn jazǵan edik.