Qarjy mınıstrligi qoǵam men buqaralyq aqparat quraldarynyń nazaryna áleýmettik jelilerde taralyp jatqan Qazaqstannyń Qarjy mınıstri Mádı Takıevtiń «ınvestısııalyq qyzmetti júzege bergen lısenzııasy» degen aqparatqa qatysty túsinikteme berdi, dep habarlaıdy Egemen.kz.
Mınıstrlik atalǵan aqparattyń jalǵan ekenin jáne shyndyqqa sáıkes kelmeıtinin aıtty.
«Qazaqstan Respýblıkasynyń Qarjy mınıstrligi qarjy naryǵynda brokerlik, dılerlik, ınvestısııalyq nemese ózge de kásiptik qyzmetti lısenzııalaýmen aınalyspaıdy.
Elimizde belgilengen zańǵa sáıkes ınvestısııalyq kompanııalardyń, brokerlerdiń jáne qarjy naryǵyndaǵy basqa da kásibı qatysýshylardyń qyzmetin lısenzııalaýdy, tirkeýdi jáne qadaǵalaýdy tek qana ýákiletti memlekettik organ júrgizedi», delingen habarlamada.
Sonymen qatar mınıstrlik Qazaqstannyń qarjy naryǵynda qyzmet usynatyn kez kelgen uıym zańda belgilengen tirkeý rásiminen ótip, qoldanystaǵy tártip boıynsha tıisti ruqsat alýǵa mindetti ekenin eske saldy.
Buǵan deıin Premer-mınıstrdiń orynbasary – mádenıet jáne aqparat mınıstri Aıda Balaeva áleýmettik jelilerde beleń alǵan arandatýshylyq áreketterge qatysty resmı málimdeme jasaǵan edi.