Konstıtýsııalyq reforma jónindegi komıssııanyń toǵyzynshy otyrysynda Fılosofııa, saıasattaný jáne dintaný ınstıtýtynyń dırektory Aıgúl Sádýaqasova jańa Ata Zań jobasyn talqylaý ashyq jáne syndarly túrde ótip jatqanyn aıtty, dep habarlaıdy Egemen.kz.
Onyń aıtýynsha, dıalogqa sarapshylar ǵana emes, qarapaıym azamattar da qosyldy, óıtkeni másele jaı zańı qujat jaıly emes, eldiń damý baǵytyn ondaǵan jyldarǵa aıqyndaıtyn Ata Zań jaıynda.
Ol jańa Konstıtýsııa jobasynda adamı kapıtal, ǵylym, ınnovasııa, shyǵarmashylyq erkindigi jáne sıfrlyq qaýipsizdik sııaqty bolashaqqa qatysty taqyryptar kóbirek qozǵalyp jatqanyna nazar aýdardy. Onyń aıtýynsha, qujatta bolashaqqa baǵdarlaný turǵysynan erekshe mańyzdy úsh negizgi basymdyqty bólip qaraýǵa bolady.
Nurlybek Nálibaev: Ekologııalyq normalar óńirler úshin basty basymdyq
Birinshi másele mádenıet, bilim, ǵylym jáne ınnovasııa qundylyqtaryn Preambýlada bekitýge, sondaı-aq adamı kapıtaldy memleket qyzmetiniń strategııalyq baǵyty retinde tanýǵa baılanysty.
«Mádenıet pen bilim, ǵylym men ınnovasııa qundylyqtaryn Preambýlada bekitý, sondaı-aq adamı kapıtaldy memleket qyzmetiniń strategııalyq baǵyty retinde taný ulttyń jańa sapasy men aqyldy ekonomıkany damytýdyń Konstıtýsııalyq negizin quraıdy», dedi ol.
Ekinshi mańyzdy másele – ǵylym men ınnovasııany damytý jańa tıptegi adamdarsyz, ıaǵnı, tek bilim jıyntyǵy bar mamandar emes, synı turǵydan oılaýǵa, jańany jasaýǵa jáne óz jumysynyń nátıjelerin qorǵaýǵa qabiletti azamattarsyz múmkin emestiginde. Konstıtýsııa jobasynda – bul orta jáne joǵary bilim alý quqyǵynyń, sóz bostandyǵynyń, ǵylymı jáne shyǵarmashylyq kórinistiń, sondaı-aq zııatkerlik eńbekti qorǵaýdyń kepildikterin qamtıtyn jeke tulǵany damytýdyń tutas traektorııasy retinde kórinedi.
Baqyt Nurmuhanov: Jańa Konstıtýsııanyń jobasyna teńgeni ulttyq valıýta retinde bekitetin norma engizildi
Bul normalar onyń pikirinshe, Qazaqstan shetelde oqıtyn stýdentter sany boıynsha álemdik kóshbasshylardyń qataryna kirýi aıasynda erekshe mańyzǵa ıe bolyp keledi. Alaıda bilim berýdiń utqyrlyǵy emes, memlekettiń olardyń áleýetin el ishinde iske asyrý úshin jaǵdaı jasaý qabileti mańyzdy.
Ol nazar aýdarǵan úshinshi másele jańa urpaqqa qatysty. Aıgúl Sádýaqasovanyń aıtýynsha, Qazaqstanda qazir demografııalyq ósim baıqalyp otyr, el halqynyń 30%-dan astamyn balalar men jastar quraıdy. Dál osy turǵydan alǵanda Konstıtýsııanyń jańa redaksııasy memlekettik qurylym týraly qujat retinde ǵana emes, sonymen qatar sıfrlyq dáýirdegi ómirge kepildik berý júıesi − derbes derekterdi qorǵaý, jeke ómirge qol suǵylmaýshylyq jáne elektrondyq kommýnıkasııalardaǵy qaýipsizdik retinde de mańyzdy.
Aıgúl Sádýaqasova sózin qorytyndylaı kele, jańa Konstıtýsııanyń jobasy tarıhı, zııatkerlik jáne tehnologııalyq jańa dáýirge jasalǵan qadamǵa aınalatynyn atap ótti. Ǵylymnyń, ınnovasııanyń, mádenıet pen bilimniń basymdyǵyn bekite otyryp, elimiz bilimge, adamı áleýetke jáne Táýelsizdiktiń qundylyqtaryna negizdelgen ornyqty damýdyń irgetasyn qalyptastyrady.
Ádil eńbek, qaýipsiz jumys, laıyqty jalaqy: Maksım Rojın jańa Konstıtýsııanyń mańyzdy tusyn atady