«Jolaýshylar tasymaly» AQ bagaj tasymalyn sıfrlandyrý boıynsha pılottyq jobany synaqtan ótkizip jatyr, dep habarlaıdy Egemen.kz
«Jolaýshylar tasymaly» AQ 2026 jylǵy 22 mamyrdan bastap bagaj jáne júk-bagajdy rásimdeý men súıemeldeý prosesterin sıfrlandyrýǵa arnalǵan pılottyq jobany synaqtan ótkizip jatyr. Joba №9/10 «Nurly jol – Almaty-2» poıyzy baǵytynda iske asyrylýda. Synaq jumystary Nurly jol, Qaraǵandy jáne Almaty-2 stansııalaryndaǵy bagaj bólimshelerin qamtıdy.
Jańa sıfrlyq júıe bagaj jáne júk-bagajǵa qatysty operasııalardyń ashyqtyǵyn arttyrýǵa, esep júrgizýdi jeńildetýge jáne tasymaldy rásimdeý kezinde adamı faktordy barynsha azaıtýǵa baǵyttalǵan. Júıe jóneltimdi qabyldaýdan bastap, baǵyt boıymen súıemeldeýge deıingi barlyq prosesti biryńǵaı sıfrlyq tártipke keltiredi.
Maýsym aıynan bastap Qazaqstanda temirjol tarıfi qymbattaýy múmkin
Platforma stansııa operatory arqyly jumys isteýge múmkindik beredi. Sonymen qatar WMS, ıaǵnı qoıma prosesterin basqarý júıesi negizinde ózine-ózi qyzmet kórsetý tásilderi de qarastyrylǵan.
Aıta keteıik, bul sıfrlyq sheshimdi Astana IT University stýdentteri «Jolaýshylar tasymaly» AQ-men dýaldy oqytý baǵdarlamasy aıasyndaǵy yntymaqtastyq negizinde ázirledi. Joba barysynda stýdentter naqty óndiristik mindetterdi sheshýge qatysyp, alǵan bilimderin tájirıbede qoldanýǵa múmkindik aldy.
Aldaǵy ýaqytta «Jolaýshylar tasymaly» AQ bul sıfrlyq sheshimdi barlyq bagaj bólimshelerine kezeń-kezeńimen engizýdi josparlap otyr.