Halyqaralyq mańyzy bar zań jobalary maquldandy

Keshe Parlament Májilisiniń Tóraǵasy Oral Muhamed­ja­novtyń jetekshiligimen ótken jalpy otyrysta depýtattardyń talqysyna birneshe zań jobasy shyǵaryldy, dep habarlady osy palatanyń baspasóz qyzmeti. «Patent quqyǵy týraly shart­ty ratıfıkasııalaý týraly» zań jobasy jóninde Ádilet mınıs­tri­niń orynbasary Ámirhan Amanbaev baıandama jasady. Májilistiń Halyqaralyq ister, qorǵanys jáne qaýipsizdik komıtetiniń múshesi Kamal Burhanov qosymsha túsinik ber­di. Baıandamashy qazirgi jaǵ­daı­da ǵylymı-tehnıkalyq áleýet ja­salatyn zııatkerlik menshik sa­la­syn­daǵy úderisterdiń mańyzy kún ótken saıyn artyp kele jatqanyn aıtty. «Halyqaralyq patentteý sala­syn odan ári jetildirý, eń al­dy­men, álemde bar úzdik tehno­lo­gııalardy qoldaý. Ol úshin memleketter zııatkerlik menshikti barabar qorǵaýdy qamtamasyz etýge tıis. Bizdiń ónertabystardy shetelde qorǵaýdy, basqa memleketter qo­syl­ǵan halyqaralyq sharttarǵa qo­sylý jáne sheteldik ónertap­qysht­ar aldynda tıisti mindettemeler alý arqyly qamtamasyz etýge bolady. Osy jaǵdaıda, shetelde bizdiń ónertabystarǵa patentterdi alý jáne sheteldikter Qazaqstanda patentti alý jóninde biryńǵaı qa­ǵı­dattar men biryńǵaı erejeler qam­tamasyz etiledi. Qazirgi tańda ónertabysqa patentti alý 90-jyl­dardyń basynda qosylǵan Patenttik kooperasııa týraly shartpen (142 memleket qatysýshy) jáne Eý­razııalyq patenttik konvensııa­nyń (9 TMD memleketteri) rásim­derine sáıkes júzege asyrylady. Sonymen qatar, patentteý salasyn budan ári jetildirý maqsatynda 2000 jylǵy 1 maýsymda 140-tan astam memlekettiń qatysýymen Dú­nıejúzilik zııatkerlik menshik uıymynyń (DZMU) qamqor­ly­ǵy­men shaqyrylǵan Dıplomatııalyq konferensııasynda Patent quqyǵy týraly shart qabyldandy, osy shart 2006 jylǵy 1 qańtarda kú­shine endi. Osy shart ótinimdi berý, patent alý jáne saqtaý talaptaryn jeńildetedi», – dedi Á.Amanbaev. Patent quqyǵy týraly shartqa qosylý azamattarǵa usynylǵan qu­jattarǵa formaldi talaptardy birizdendirýge jáne jeńildetýge, qu­jattardy resimdeý kezinde jiberiletin qatelikterdi azaıtýǵa, patentke quqyqtardy joǵaltý jaǵ­daılaryn azaıtýǵa baǵyttalǵan artyqshylyqtarǵa qol jetkizedi. Budan bólek, patentteýdiń qıyn rásimderin joıyp, patenttik vedomstvolar óz fýnksııalaryn tıimdi túrde júzege asyra bastaıdy jáne sol arqyly óz shyǵyndaryn da qysqartady. Zań jobasy talqylaýdan keıin tolyqtaı maquldandy. Kelesi kezekte «Shanhaı ynty­maqta­styq uıymyna múshe memle­ketterdiń terrorızmge qarsy qura­lym­dary úshin kadrlar daıarlaý týraly kelisimdi ratıfıkasııalaý týraly» zań jobasy, sondaı-aq «Qa­zaqstan Respýblıkasy men Ita­lııa Respýblıkasy arasyndaǵy strate­gııalyq áriptestik týraly shartty ratıfıkasııalaý týraly» zań jo­basy, «Qazaqstan Respýblıka­sy­nyń keıbir zańnamalyq aktilerine Qarýly Kúshterdiń, basqa da ás­kerler men áskerı quralymdardyń arsenaldary, bazalary men qoı­malary janyndaǵy tyıym salyn­ǵan aımaqtar men tyıym salynǵan aýdandar máseleleri boıynsha to­lyq­tyrýlar engizý týraly» zań jo­ba­sy (ekinshi oqylym) talqyǵa salyndy.