Kóktem ońtústikten bastalady

Aıtyp otyrǵanym, Ońtústigińizde Naýryz merekesine daıyndyq áldeqashan bastalyp ketken.  Shymkent qalasy má­denıet basqarmasynyń bastyǵy Murat Bazarqulovtyń keń­sesiniń túndigi jelpildeıdi. Qalanyń mádenıetine jaýap­tylardyń bári osynda. Naýryz merekesin qalaı ótkizýdiń jos­paryn pysyqtaýda. Zaty orys bolsa da bol­my­sy qazaq, orys drama teatry­nyń bas rejısseri, naýryz-dýmannyń da bas rejısseri Igor Berbıskıı óńeshin so­zyp, bir ıdeıany tyqpalaıdy. Naý­ryz merekesi ssenarııiniń avtory Láıla Jumabaeva qaǵa­zyna úńiledi. Rejısser Juma­bek Esenovtiń óz oılaǵany bar. Byltyr qalanyń Naýryz merekesi Ál-Farabı alańynda ótken bolsa, bıyl 21 naý­ryz­da qala syrtyndaǵy A.Asqarov atyndaǵy ıppodromda jal­ǵa­sa­dy. Qazaqtyń Naýryzy at ja­ry­syn­­syz ótýshi me edi. Báıge, Kókpar.  Qyz qýý. Aýdaryspaq. Ippodrom ulttyq oıyndarǵa daıyn. Syrt alańqaıdaǵy kógalǵa aqshańqan kıiz úıler tigilýde. “Naý­ryz-kerýen” atalatyn dý­man­nyń alǵashqy 30-40 mınótin ártisterdiń kómegimen teatr­lan­ǵan kórinister bastaıdy. Qazaq aýyly. Jelidegi mama bıe, qu­lyn, kógendegi qozy-laq. Áýele­gen án, kúmbirlegen kúı, horeo­grafııalyq top bıi. Ár kıiz úı ja­nyndaǵy jeroshaqtardaǵy taı­qazandar qazaq qonaqjaılyly­ǵyn tanytady. Naýryz-dýmannyń túp qazy­ǵy – memleket táýelsizdiginiń 20 jyldyǵy. Qazaq aýylynan bas­talǵan salqar kósh Qazaqstannyń búgingi dáýirlegen kezeńine betin túzeıdi. – Bizdiń elimiz keıbir mem­le­ket­terdiń júz jylda jetetin jetistikterine jıyrma jylda qol jetkizdi. Muny shet eldegi sarap­shy­lardyń ózderi de aıtyp ja­tyr, – deıdi qala áki­mi­niń oryn­basary Baqadyr Na­rymbetov. – Halyq osy jaq­sy­lyqtardy oblys ómiri­nen de kórip jatyr. Bir Ońtústik Qazaqstan oblysynyń bıýdjeti kórshi Qyrǵyzstan memleketiniń jyldyq bıýdjetinen asyp jat­qandyǵynyń ózi osylaı degizedi. Sondyqtan, Naýryz-dýmanda táýelsizdigimizdiń tabysy erekshe kórsetilmek. 22 naýryz kúni Naýryz merekesi qaladaǵy alańdar men saıa­baqtarda jalǵasady. Oblystaǵy 21 mádenı ulttyq ortalyq­tar­dyń ókilderiniń Naýryzǵa daı­yn­dap jatqan óz baǵdarlamalary bar. Kún men tún teńeletin, Sa­mar­­qannyń kók tasy erıtin aıtýly kúnge oblys daıyndyqty bastap ketti. Qala, aýdan ortalyqtary, aýyldar apta saıyn senbilikter ótkizip, kóshetter egilip jatyr. Naýryz – jyl basy. Bereke, birliktiń, yntymaqtyń, dos­tyq­tyń, alǵaýsyz kóńildiń, meıi­rimniń toıy. Kemeldengen Qazaq­stannyń táýelsizdigine jıyrma jyl tolǵan, órkenıetti eldermen tereze teńestirgen torqaly toıy. ...Kóktem erte keletin Oń­tústik jyl basyn qarsy alýǵa daıyndyqty osylaısha bastap ketti. Baqtııar TAIJAN. Shymkent.