Qulanda quryqtalǵan qylmys

17 naýryzda túngi saǵat 21:35-ter shamasynda Qyr­ǵyz Respýblıkasynan Qa­zaq­stan Respýblıkasynyń aýma­ǵy­na baǵyt alǵan «Bi­shkek-Merki» poıyzynyń №6 va­go­nynan esirtkiniń aýyr túri­ne jatatyn «geroın» tabyl­dy. Naqtyraq aıtar bolsaq, 16 naýryz kúni «Merki» stan­sa­syn­da kedendik tekserý jasa­ǵan «Qulan» keden beketi bas­ty­ǵynyń orynbasary Arman Mu­ha­medıev bastaǵan tekserý toby qyzmettik-izdestirý ıtin paıdalana otyryp, vagon jolseri­gi­niń kýpesinen kók polıetılen pa­ketke salynǵan, 6 býma sur tús­ti túıirshiktelgen, sirke sýy­nyń ısi bar qapshyqtardy anyq­tap, tárkilegen. 60 jastaǵy qyrǵyz áıeli atalmysh esirtki zatyn óz kýpesindegi qupııa «qýysqa» ty­ǵyp, kedendik tekserýden jal­tar­maqshy bolǵan. Alaıda onyń jy­mysqy áreketiniń iske asýy­na kedenshilerdiń tórt aıaqty se­nimdi dosy «Hanter» qyz­met­tik-izdestirý ıti jol bermegen. №82 Sot-hımııalyq sa­rap­tamasynyń qorytyndysyna sáı­­kes, «Bishkek-Merki» baǵy­tyn­­daǵy №6063 jolaýshylar poıyzynyń jolserigi, qyrǵyz azamatshasynyń jeke kýpesinen tabylǵan «geroınniń» sal­maǵy 5 kılo 920 gramǵa jetken. Ustalǵan jolserik esirtki salynǵan paketti sol poıyzda birge kele jatqan áıel azamat­sha­nyń ýaqytsha saqtaýǵa bergenin málimdegen. Qazirgi ýaqytta eki áıel qamaýǵa aly­nyp, QR QK 250, 259-bap­tary­men qyl­mys­tyq is qozǵaldy. «Qulan» keden beketiniń bas­tyǵy Tımýr Oralovtyń aıtýyn­sha bul bıylǵy jyly anyqtal­ǵan eń úlken kólemdegi esirtki zaty bolyp otyr. Jalpy Qyr­ǵyz­stannan Qazaqstan aýmaǵy arqyly Reseıge baǵyt alǵan jo­laýshylar poıyzdarynan kóbi­ne­se kedendik resimdeýsiz halyq tutynatyn taýarlar men basqa da tyıym salynǵan zattar alyp ótý faktisi jıi bolatyn kórine­di. Biraq qyraǵy kedenshiler mun­daı quqyq buzýshylyqtardy der kezinde anyqtap otyrady. Qudaıbergen RYSDÁÝLET, Jambyl oblysy boıynsha kedendik baqylaý depar­ta­menti­niń baspasóz hatshysy.