Astanada EXPO-2017 kórmesiniń ótýine baılanysty JOO úshin 2017-2018 oqý jyly 10 qyrkúıekte bastalady, dep habarlady Tengrinews.kz.
EXPO-2017 kórmesin ótkizý kezinde elordadaǵy kólik qozǵalysyn jeńildetý úshin joǵary oqý oryndaryndaǵy 2016-2017 oqý jylynyń sońy men 2017-2018 oqý jylyna ózgertýler engizý máselesi qarastyryldy.
"Joǵary oqý oryndaryndaǵy ǵylymı keńesterdiń sheshimimen 2016-2017 oqý jyly 25 mamyrda aıaqtalady. Al 2017-2018 oqý jyly 10 qyrkúıekte bastalady dep josparlandy. Sondaı-aq, joǵary oqý oryndaryndaǵy akademııalyq kúntizbelerge ózgertýler engizdi", - delingen vedomstvonyń habarlamasynda.
Conymen qatar, QR BǴM ókilderi QR "Bilim týraly" zańyna sáıkes, 2017 jyldyń 1 qańtarynan bastap UBT joǵary oqý oryndaryna túsý úshin tapsyrylatyn irikteý emtıhandarynyń bir formasy bolatynyn aıtyp ótti. Osyǵan baılanysty 2017 jyldyń túlekteri UBT-ny eki kezeń boıynsha tapsyrady: qorytyndy attestasııa, ıaǵnı, mekteptegi qorytyndy emtıhan, al ekinshi kezeń - UBT. UBT joǵary oqý ornyna túsý emtıhany bolyp sanalady.
Vedomstvo ókilderiniń málimetinshe, UBT tapsyrý týraly ótinish 10 naýryz ben 10 mamyr aralyǵynda qabyldanady.
Aıta keteıik, bıyl UBT 20 maýsym men 1 shilde aralyǵynda, al keshendi testileý 17-23 shilde aralyǵynda ótkiziledi. Al EXPO-2017 kórmesi Astanada 2017 jyldyń 10 maýsym men 10 qyrkúıek aralyǵynda ótedi.