Qazaqstan qajylyq mıssııasy men jaýapty týroperatorlardyń qatysýymen Qazaqstan musylmandary dinı basqarmasy alańynda 2026 jylǵy qajylyq maýsymyna arnalǵan onlaın jıyn ótti, dep habarlaıdy Egemen.kz.
Jıynǵa QMDB Tóraǵasynyń orynbasary, naıb múftı Kenjetaı Baıkemeluly, Qazaqstan qajylyq mıssııasynyń ókilderi jáne qajylyq saparyn uıymdastyrýǵa ruqsat alǵan 14 týroperatordyń basshylary qatysty. Kezdesýdiń basty maqsaty – bıylǵy qajylyqty otandastar úshin qaýipsiz, sapaly ári qolaıly deńgeıde uıymdastyrý.
Bıyl qajylardy tasymaldaý konkýrstyq negizde Air Astana, SCAT jáne Saýd Arabııasynyń Flyadeal áýe kompanııalary arqyly júzege asady. Reıster Almaty, Astana jáne Shymkent qalalarynan Djıdda men Mádınaǵa tikeleı oryndalady. Qaıtar jol da osy qalalardan kezeń-kezeńimen josparlanǵan. Qajylyq maýsymy 15 mamyr men 5 maýsym aralyǵynda ótedi.
Tashkent – Atyraý baǵytynda jańa áýe reısi ashylady
Jıyn barysynda qajylardyń týrkod arqyly elden shyǵýy, vaksınasııa talaptary, Saýd Arabııasynyń zańdaryn saqtaý, sondaı-aq Qazaqstandyq kvotaǵa sáıkes uıymdastyrý jáne shetel azamattaryn tasymaldamaý máseleleri qaraldy. Týroperatorlar tarapynan usynystar men suraqtar da ortaǵa salyndy.
Mereke qarsańynda otandyq áýe kompanııalar reıster sanyn kóbeıtti
Kezdesý qorytyndysynda naıb múftı Kenjetaı Baıkemeluly qajylyqty rýhanı ári uıymdastyrýshylyq turǵydan joǵary deńgeıde ótkizý – barlyq tarap úshin basty mindet ekenin atap ótti.