Jyl basynan beri Astana turǵyndarynyń sany artty. Bul týraly Ortalyq kommýnıkasııalar qyzmetindegi baspasóz máslıhatynda QR IIM Kóshi-qon polısııasy departamentiniń erekshe tapsyrmalar jónindegi aǵa ınspektory Núlmıra Álıaıdarqyzy aıtty.
«Zańnama kúshine engennen beri Astanada búginde 73 105 azamat tirkelgen, onyń ishinde turaqty tirkelgeni - 24 109, al ýaqytsha tirkelgender - 48 996. Almaty qalasyna toqtalatyn bolsaq, jalpy 94 416 adam tirkelip, sonyń 23 106-i turaqty tirkelgender, 71 310-y ýaqytsha tirkeýge turǵandar», - G. Álıaıdarqyzy.
О́z kezeginde QR IIM Kóshi-qon polısııasy departamentiniń basshysy Serik Saıynov jalpy bıylǵy qańtar aıyndaǵy eki aptanyń ishinde Qazaqstan boıysha 250 myń adam tirkeýden ótkenin aıtty.
«Bul rette páter ıeleri de, jalǵa alýshylar bul zańnama tártipterine túsinistikpen qarap, tıisti qadamdardy jasap otyr», - dedi departament basshysy.