Qazaqstan quramasy Ýnıversıada oıyndarynyń birinshi kúninde úsh medal (bir kúmis, eki qola) jeńip, jalpy esepte besinshi orynǵa turaqtady.
Shańǵy jarysynan qyzdar arasynda Anna Shevchenko 5 shaqyrym klassıkalyq stılde alǵashqy qola medaldi jeńip aldy. Bul jarysta altyn júlde Lılııa Vasılevaǵa buıyrsa, kúmisti onyń otandasy Anna Nechaeva enshiledi.
Sonymen qatar, frıstaıl-akrobatıkadan Jibek Arapbaeva men Janbota Aldabergenova Qazaqstan qorjynyna bir kúmis pen bir qolany saldy. Al osy jarysta altyn medal qytaılyq Chjý Inınge buıyrdy.
Jalpy esepte, Reseı 9 medalmen (4 altyn, 4 kúmis, 1 qola) kósh bastap tursa, ekinshi orynda Aspanasty eli 3 medalmen (2 altyn, 1 qola) keledi. 3-orynda – 1 altyn, 1 qolasy bar Polsha quramasy. Al 1 altynymen Italııa tórtinshi orynǵa ornalasty.