Qazaqstan Prezıdenti Nursultan Nazarbaev jyl saıynǵy halyqqa Joldaýynda Ulttyq qor qarajatyn paıdalaný týraly aıtyp ótti. Elbasynyń aıtýynsha, Ulttyq qordan alynǵan kepildendirilgen transfert kólemi 2020 jylǵa qaraı kezeń-kezeń boıynsha 2 trıllıon teńgege qysqartylýǵa tıis. "Salyq saıasatyn bıznestiń «kóleńkeden» shyǵýyna beıimdep, shıkizattyq emes sektordaǵy salyqtyq bazany keńeıtýge baǵyttaý kerek", - dedi Nursultan Nazarbaev.
Sonymen qatar Elbasy qazirgi salyq jeńildikterin ońtaılandyrý qajet ekenin aıtty.
"Jalpyǵa ortaq deklarasııalaý qarsańynda arnaýly salyq rejimin jańasha qarastyrý kerek. Salyqtyq ákimshilendirý tetikteri jetildirýdi talap etedi. Eń aldymen, munyń qosymsha qun salyǵyn jınaýǵa qatysy bar», - dep atap ótti Elbasy.
Sonymen qatar, Úkimetke kvazımemlekettik sektordyń syrtqy jáne ishki qaryzdaryna monıtorıng júrgizý men baqylaý jasaý júıesin qalyptastyryp, onda tártip ornatý júkteldi.