«Qaırat» komandasynyń jartylaı qorǵaýshysy Gerson Asevedo jaqyn arada Serbııanyń «Srvena Zvezda» komandasynyń sapyna qosylady, dep habarlady vesti.kz. MozzartSport portalynyń málimeti boıynsha chılılik fýtbolshy «Qaırat» klýbymen kelisishartyn buzǵan. Sol sebepti, «Srvena Zvezdaǵa» Gerson Asevedo tegin aýysady. Serbııalyq komandanyń basshylyǵy bul transfer jaıly aqparatty qatań túrde qupııa ustaǵandy jón kóripti. Degenmen, búgin Asevedonyń Serbııa chempıonatynda óner kórsetetini belgili boldy. Aıta keteıik, 28 jastaǵy chılılik oıynshy 2006 jyly kásibı mansabyn bastaǵan. 2006-2009 jyldar aralyǵynda óz elinde oınaǵan. 2010 jyly Reseı chempıonatyna aýysyp, «Ýral» jáne «Mordovııa» komandalarynyń namysyn qorǵady. О́tken jyly «Qaırat» sapyna aýysyp kelgen bolatyn. Alaıda, óz deńgeıinde oınaı almaı, jankúıerlerdiń kóńilinen shyqpady.