Búgin Úkimet otyrysynda Premer-Mınıstri Baqytjan Saǵyntaev Elbasy Nursultan Nazarbaevtyń halyqqa arnaǵan Joldaýynyń tórtinshi úlken baǵytyn iske asyrý úshin Bilim mınıstrine birqatar tapsyrma berdi. «Adam kapıtalyn damytý úshin eń aldymen, Prezıdent bilim berý júıesin ózgertýdi talap etip otyr. Sondyqtan, Bilim jáne ǵylym mınıstrligine oqytý sapasyn jaqsartý jóninde usynys ázirleýdi tapsyramyn. Ásirese, aýylda»,- dedi Saǵyntaev.
Úkimet basshysy bul rette Bilim mınıstrligine tegin kásiptik bilim berý jobasyn paıdalana otyryp, ekomıkanyń perspektıvti salalaryna arnap kadr daıyndaýdy tapsyrdy. «Bilikti ustazdardyń tapshylyǵyna baılanysty, Prezıdent aǵylshyn tilin kezeń kezeńmen engizýdi júktedi. Prezıdenttiń tapsyrmasy boıynsha, tegin kásiptik bilim berý jónindegi joba iske qosyldy. Bul jerde jańa ekonomıkanyń perspektıvti salalaryna kadr daıyndý máselesine nazar salý kerek», - dedi Saǵyntaev.