Elimizdegi eń baıyrǵy merzimdik basylymdardyń biri – Batys Qazaqstan oblystyq «Oral óńiri» jáne «Prıýrale» gazetteri bıyl shyǵa bastaǵanyna 100 jyl tolýyna oraı stýdentter men magıstranttar arasynda baıqaý jarııalamaq.
Bul baıqaýdyń basty maqsaty – jýrnalıstıka, fılologııa jáne tarıh fakýltetteri stýdentteri men magıstranttary arasynda qazaq baspasóziniń damý tarıhy taqyrybyn nasıhattaý. Qazaqstannyń batys óńirinde shyqqan basylymdardyń damý jolyn, baspasóz bastaýynda turǵan tulǵalardyń ómir joly men qyzmetin stýdentterdiń kýrstyq, dıplomdyq jáne magıstrlik zertteý jumystary taqyrybyna aınaldyrýǵa yqpal etý bolmaq.
Sondaı-aq, aqyn Qaırat Jumaǵalıevtiń shyǵarmashylyǵyna arnalǵan respýblıkalyq «Naryn qumyn ańsaǵan Qaırat aqyn» atty aqyndar músháırasy da talantty jastardyń shyǵarmashylyq izdenisin arttyryp, aqyndardyń sheberligin shyńdap, qalamyn ushtaı túsetini anyq.
Al Medet Dosymovty eske alýǵa arnalǵan fotobaıqaý osy ónerge yqylasy zor oqyrmandardyń nazaryn aýdaryp, yntalandyra túsedi degen oıdamyz.