Almatydaǵy AIBA akademııasynda Qazaqstan quramasy AQSh jáne Germanııa boksshylarymen birikken oqý-jattyǵý jıyndaryn ótkizip jatyr, dep habarlady QazAqparat.
«Qazir Almatyda AIBA akademııasynda AQSh jáne Germanııa boksshylarymen birikken oqý-jattyǵý jıyndaryn ótkizip jatyr. AQSh-tan 7, Germanııadan 17 boksshy keldi. Eki jattyǵýymyz ótti. Endi ekeýi qaldy. Alǵashqy eki daıyndyqta boksshylar toǵyz raýndtyq jekpe-jekpen saıysyp kórdi. Erteń jáne juma kúnderi taǵy jattyǵý jumystaryn ótkizemiz. Olardyń jattyǵý máneri bizden ózgeshe. Al bizdiki olarǵa ózgeshe kórinedi. Birikken jattyǵýlardan olardyń da, bizdiń de úırenerimiz óte kóp. Bul boksshylarymyz úshin asa mańyzdy», – dedi ulttyq quramanyń bas bapkeri Myrzaǵalı Aıtjanov.
Foto: vesti.kz.