Elimizde balalardyń terezeden qulaý derekteriniń kóbeıýine baılanysty «Tereze – SAFE» respýblıkalyq aqparattyq naýqany iske qosyldy. Bul bastama «Qazaqstan balalary» tujyrymdamasy aıasynda júzege asyp, jazataıym oqıǵalardyń aldyn alýǵa baǵyttalǵan. 2025 jyldyń qorytyndysy boıynsha mundaı jaǵdaılar 2023 jylmen salystyrǵanda 1,8 esege artqan. Qaýip tobynda, negizinen, 2-5 jas aralyǵyndaǵy balalar tur, dep jazady Egemen.kz.
Naýqannyń ózegi – ár otbasynyń kúndelikti ómirine «Qaýipsizdik mınýty» qaǵıdatyn engizý. Bul ereje boıynsha ata-analar kún saıyn úıdi qysqasha tekserip shyǵýdy ádetke aınaldyrýy tıis. Ásirese, tereze buǵattaǵyshtarynyń myqtylyǵyna, sondaı-aq tereze mańynda bala shyǵyp ketýi múmkin jıhazdyń bolmaýyna nazar aýdarý qajet. Basty maqsat – turmystyq qaýipsizdik daǵdylaryn qalyptastyrý. Naýqan aıasynda óńirlerde birqatar naqty is-sharalar qolǵa alynady.
Oqý-aǵartý mınıstrliginiń málimetinshe, bilim berý mekemelerinde «Qaýipsiz úı» taqyrybynda arnaıy sabaqtar ótkizilip, ata-analarmen túsindirý jumystary júrgiziledi. Turǵyn úı sektorynda úı basqarýshylary men belsendi turǵyndardyń qatysýymen terezelerge arnaıy qulyptar ornatý, sondaı-aq aqparattyq paraqshalar taratý kózdelgen.
Bıyl 60 bala terezeden qulap ketken
Al densaýlyq saqtaý salasynda patronajdyq tekserýler kezinde medısına qyzmetkerleri úıge shaǵyn «qaýipsizdik aýdıtin» júrgizip, ata-analarǵa naqty usynymdar beredi.
Bul bastama memlekettik organdar, úkimettik emes uıymdar, qoǵam jáne BAQ ókilderiniń birlesken jumysy arqyly júzege asady. Ortaq kúsh-jigerdiń nátıjesinde ata-analardyń jaýapkershiligi artyp, ár úıde qaýipsiz orta qalyptastyrý kózdelip otyr. Uzaq merzimde bul sharalar balalar qaýipsizdiginiń biryńǵaı standarttaryn ornyqtyryp, jaraqat alý qaýpin júıeli túrde azaıtýǵa múmkindik beredi.
Aktóbede bir táýlikte eki bala terezeden qulap ketken