Elimizdiń sıfrlyq áleýetin arttyrýda salada eksporttyq ónimder qataryn arttyrý jolǵa qoıylyp keledi. Osy maqsatta Jasandy ıntellekt jáne sıfrlyq damý mınıstrliginiń Sıfrlyq úkimetti qoldaý ortalyǵy Tájikstan Respýblıkasynyń Ayon Smart Solution kompanııasymen yntymaqtastyq týraly memorandýmǵa qol qoıdy, dep habarlaıdy Egemen.kz.
Atalǵan yntymaqtastyq kelisimi Sıfrlyq memlekettik qyzmetterdi damytýǵa, GovTech sheshimderi men jasandy ıntellekt tehnologııalaryn engizýge, sondaı-aq memlekettik aqparattyq júıelerdiń arhıtektýrasyn jáne derektermen jumys isteýdi damytýǵa baǵyttalǵan. Salaǵa jaýapty mınıstrliktiń málimetinshe, praktıkalyq turǵyda bul azamattar men bıznestiń memleketpen ózara is-qımylyn jeńildetýge jáne memlekettik prosesterdiń tıimdiligin arttyrýǵa múmkindik beretin sheshimderdi qamtıdy.
«Biz bul yntymaqtastyqty tek el ishinde sıfrlyq sheshimderdi damytý múmkindigi ǵana emes, sonymen qatar qazaqstandyq GovTech tájirıbelerin óńirlik deńgeıde aýqymdaý múmkindigi retinde qarastyramyz. Bul sıfrlyq platformalardy ilgeriletý, birlesken jobalardy júzege asyrý jáne tehnologııalyq saraptamany eksporttaý týraly. Bolashaqta bul Ortalyq Azııada GovTech salasynda óńirlik quzyret ortalyǵyn qalyptastyrýǵa negiz bolýy múmkin», dep atap ótti Sıfrlyq úkimetti qoldaý ortalyǵynyń bas dırektory Alııa Ospanova.
JI jáne memlekettik qyzmetter: AlemGPT servısiniń múmkindikteri qandaı?
Kelissióz barysynda taraptar memlekettik prosesterdi reınjınırıngteý, sıfrlandyrýdyń platformalyq modeline kóshý, Big Data júıelerin damytý jáne basqarýshylyq sheshimderdi ıntellektýaldy qoldaý baǵyttary boıynsha ózara is-qımyl jasaýǵa kelisti.
Endi memlekettik qyzmetke kadrlardy irikteý sıfrlyq formatta júzege asyrylady
Mamandarynyń pikirinshe, bul baǵyttaǵy nátıjeli kelissózder Ortalyq Azııa elderiniń naryqtaryna sıfrlyq sheshimder men tehnologııalyq saraptamany ilgerilete túspek.
Nurbolat AMANBEK