Sarapshylar Qazaqstan men Ázerbaıjan qarym-qatynastarynyń damýyn talqylady

Atalǵan sharany «Parasat» júıeli zertteýler ınstıtýty Ázerbaıjan Respýblıkasy Prezıdentiniń janyndaǵy Strategııalyq zertteýler ortalyǵymen birlesip uıymdastyrdy.

Otyrysty «Parasat» júıeli zertteýler ınstıtýtynyń dırektory Nursultan Ahmedııa ashyp, sarapshylar basqosýynyń Memleket basshysynyń Ázerbaıjanǵa sapary qarsańynda mańyzdy ekenin aıtty.

«Qazaqstan men Ázerbaıjan qarym-qatynastary sátti jáne dınamıkalyq turǵyda damýda. Bizdiń elderimiz halyqaralyq jáne aımaqtyq uıymdar aıasynda belsendi yqpaldastyq ornatqan. Turaqty negizde eki memleket bas­shy­larynyń ózara issaparlary uıymdastyrylyp, eki jaqty qa­tynastardyń barlyq salalary boıynsha yntymaqtastyq perspektıvalary talqylanýda», dedi Nursultan Ahmedııa.

Ázerbaıjan Respýblıkasy Prez­ıdentiniń janyndaǵy Stra­tegııalyq zertteýler orta­ly­ǵynyń dı­rektory Farhad Mamedov «eki mem­leket basshylary arasynda joǵary deńgeıdegi saıası senim or­nyqqandyǵyn» atap kórsetti. Son­daı-aq, Farhad Mamedov Qazaqstan men Ázerbaıjan halyqaralyq kún tártibinde turǵan máseleler boıynsha ustanymdarynyń uqsas ekenine toqtaldy.

Aıta keteıik, eki el arasynda mádenı baılanystar úlken ma­ńyzǵa ıe. Halyqaralyq túrki aka­demııasynyń sarapshysy Tımýr Kozyrev Qazaqstan jáne Ázerbaıjan túrki memleketteri re­­tinde túrki halyqtarynyń bi­re­geı­ligin damytýǵa umty­la­tyn­dy­ǵyn jetkizdi.

Qazaqstan Prezıdenti ja­nyn­daǵy strategııalyq zertteý­ler ınstıtýtynyń ǵylymı qyz­met­­keri Naılıa Álmuhamedova: «Soń­ǵy 10 jylda Qazaqstan men Ázer­­baıjannyń saýda baılanys-

ta­ry aıtarlyqtaı nyǵaıdy. 2016 jy­ly Qazaqstan men Ázerbaıjan ara­syndaǵy saýda aınalymy 136,8 mln AQSh dollaryn qurap, 2015 jylmen salystyrǵanda 9 paıyzǵa ós­ti», dedi.

Qazaqstan Ázerbaıjanǵa temir jol jáne tramvaı lokomotıviniń jabdyqtaryn, qara metall, janar-jaǵarmaı, qurylys materıaldaryn eksporttaıdy. Importtyń negizgi bóligin qant jáne kondıterlik ónimder, qara metaldan jasalǵan ónimder, kókónis pen dánder, tekstıl ónimderi men elektr qural-jabdyqtary quraıdy.

Ázerbaıjan Respýblıkasy Mıllı Medjlısiniń depýtaty Rasım Musabekov óz sózinde eki el úshin ózekti máselelerdi sóz etti. Onyń ishinde álemdik qaýipsizdik, Qazaqstan Prezıdentiniń ıadrosyz álem bastamasy, Kaspıı teńiziniń quqyqtyq mártebesi, ıslam djıhadızmi, Astana men Bakýdiń únqatysý alańy retindegi rólin erekshe atady.

Kezdesý qorytyndysynda qa­zaq­standyq jáne ázerbaıjandyq sa­rap­shylar 25 jyl ishinde eki memleket tyǵyz áriptestik qa­ty­nas­tardy qoldaıtyndyǵyn jáne Eýropa men Azııa arasyndaǵy belgili bir «kópir» ekendigin atady.