Medısınalyq saqtandyrýdy engizýdiń máni túsindirildi

Aýdan ákimderiniń orynbasarlary, oblystaǵy den­saýlyq saqtaý salasy qyz­met­kerleri, jekemenshik medı­­sınalyq uıymdar basshy­lary qatysqan kezdesýde oblys ákiminiń orynbasary Marat Júndibaev aldy­men mindetti áleýmettik me­dısınalyq saqtandyrýdy engizý týraly aqparattyq-túsindirý jumystaryn júr­gizý jónindegi oblystyq shtab­tyń qurylǵandyǵynan, oǵan oblys ákimi Arhımed Muhambetov jetekshilik ete­tininen habardar etti. Osyn­daı shtabtar sáıkesinshe aýdandar men qalalarda da qu­ryldy. О́tken jyly oblysta barlyǵy 900 kezdesý ótkizilip, oǵan 20 myńdaı adam qatysty, 400-den asa uıymdar men kásiporyndy qamtydy. Bıyl jyl basynan beri 130 kezdesýge 5 myńnan asa adam qatysty.

Kezdesýde Alekseı Soı mindetti áleýmettik medı­sı­nalyq saqtandyrý refor­masynyń jalpy mindetteri men maqsattaryna, onyń en­gizý satylary men zań­dyq negizderine toqtaldy. Sony­men qatar, medısına jáne densaýlyq saqtaý salasynda osy reformany júzege asyrý barysynda jergilikti atqarý organdary men medısına salasynyń atqarar mindetteri men birlesip isteı­tin jumystaryn da atady.

Munan keıin «Áleýmettik medısınalyq saqtandyrý qory» kommersııalyq emes aksıonerlik qoǵamy basqarma tóraǵasynyń orynbasary Erik Baıjúnis mindetti áleý­mettik medısınalyq saq­tan­dyrýdy engizýdiń naqty mehanızmderine toqtaldy.

– Mindetti áleýmettik me­dı­sınalyq saqtandyrýdy engizý barysynda qujat­tar­dy barynsha qysqartý biz­diń búgingi maqsatymyzdyń eń bastysy bolyp tabyla­dy.Túrli vedomstvolar men uıym­dardan, mekemelerden ruqsat beretin túrli qu­jattardy barynsha azaıtyp, qarapaıymdandyrý kerek. Mindetti áleýmettik medısınalyq saqtandyrýdy engizýdiń qujattar paketi óte juqa bolýy tıis, −dedi Erik Ábenuly.

Alekseı Soı men Erik Baıjúnis kezdesýge qa­tysý­shylardyń suraq­taryna jaýap berdi.

Názıra JÁRIMBETOVA,

«Egemen Qazaqstan»

QOSTANAI