Prezıdent óziniń «Bolashaqqa baǵdar: rýhanı jańǵyrý» atty mán-mańyzy joǵary maqalasynda jahandyq básekelestikte bilimniń mańyzdy ekenine de basa nazar aýdarǵan. Sondyqtan da qazaqstandyqtar «jumys kútý» jáne «tıimdi usynys tosý» sııaqty burynǵy, eskirgen ustanymnan arylyp, bilimin tereńdetý arqyly bıik tabystarǵa ózdiginen qol jetkizýi kerek.
Qazirgi tehnologııalar eńbek naryǵynan buryn talap etilgen mamandyqtardy yǵystyryp shyǵarýda. Máselen, túrli deńgeıdegi operatorlar umytylýǵa aınaldy. Olardy kompıýterlik baǵdarlamalar tıimdilikpen aýystyrýda. Biz ózimizdiń ómirimizden «hatshy-mashınıstka», «kınomehanık», «TBK baqylaýshysy» jáne t.b. sııaqty mamandyqtardyń umytylǵanyna onshaqty jyl bolǵanyn da sezbeı qalyppyz.
Tipti, «eńbek» degen sózdiń ózi «kásibı áreket» degen turaqty tirkespen aýystyrylyp ketti. Al jaldanyp jumys isteý nemese bıznes jasaý qazir mono biliktilikten polı biliktilik salasyna aýysyp barady.
Eńbek naryǵynda óziniń kásibı biliktiligin únemi arttyratyn, iskerlik qaýmetin damytatyn, bilimin jańǵyrtatyn mamandarǵa ǵana suranys bolady. Prezıdenttiń usynystaryn qoldaı otyryp men de otandastarymdy mamandyq tańdaý salasynda belsendiligin arttyrýǵa, kásibı biligi men bilimin jańǵyrtýǵa shaqyramyn. Qazir bizge utqyrlyq, belsendilik jáne jeke jaýapkershilik kategorııalarymen oılaý kerek, sonda ǵana biz paıdaly bolyp, kásibı turǵydan suranysqa ıe bolamyz.
Irına ÝNJAKOVA,
Parlament Májilisiniń depýtaty