Májilis depýtaty Bolatbek Nájmetdınuly Premer-mınıstrdiń birinshi orynbasary Nurlybek Nálibaevqa depýtattyq saýal joldap, «Batys Eýropa – Batys Qytaı» halyqaralyq kólik dálizi men basqa da respýblıkalyq mańyzy bar joldardaǵy jyldamdyq rejımderin qaıta qaraýdy usyndy. Onyń aıtýynsha, qaýipsizdik talaptaryna tolyq saı keletin keıbir ýchaskelerde jyldamdyqtyń negizsiz tómendetilýi júrgizýshiler arasynda narazylyq týǵyzyp otyr, dep habarlaıdy Egemen.kz.
Depýtattyń aıtýynsha, elimizdegi eń iri ınfraqurylymdyq jobalardyń biri sanalatyn «Batys Eýropa – Batys Qytaı» halyqaralyq kólik dálizi bastapqyda qozǵalys qaýipsizdigin arttyrý, kólik aǵynyn jedeldetý jáne tranzıttik áleýetti kúsheıtý maqsatynda salynǵan. Osyǵan baılanysty jol boıynda qarsy baǵyttar tolyq bólinip, qorshaýlar ornatylyp, kópdeńgeıli jolaıryqtar men zamanaýı qaýipsizdik ınfraqurylymy jasaqtalǵan.
Aqyly joldarda júrgizýshilerdiń uıyqtap ketýiniń aldyn alý úshin lazerler qoıylady
Soǵan qaramastan, qazirgi ýaqytta júrgizýshilerden tórt jolaqty, tolyq qorshalǵan jáne halyqaralyq talaptarǵa saı salynǵan magıstraldarda jyldamdyqtyń keı jerlerde 60 km/saǵatqa deıin tómendetilýine qatysty kóptegen shaǵym túsip jatyr.
«Eger mundaı ýchaskelerde jaıaý júrginshilerdiń jolǵa shyǵý múmkindigi bolmasa, qarsy baǵyttaǵy kólik aǵyndary tolyq bólingen bolsa jáne qaýipsizdikke qatysty barlyq ınjenerlik sheshimder iske asyrylǵan bolsa, onda mundaı shekteýlerdiń qajettiligi nede?» deıdi depýtat.
Onyń pikirinshe, keıbir jol bólikterinde qaýipsizdik maqsatymen engizilgen shekteýler polısııanyń baqylaýymen qatar júrgizýshilerdiń jıi aıyppul alýyna sebep bolyp otyr. Sonyń saldarynan kólik júrgizýshileri jol qaýipsizdigine emes, aıyppuldan qutylýǵa kóbirek alańdaıtyn jaǵdaı qalyptasqan.
Eldegi aqyly joldarda tólem merzimderi ózgerdi: Júrgizýshiler neni eskerýi kerek?
Sondaı-aq depýtat respýblıkalyq joldardyń birdeı sanatyna qaramastan óńirlerde ártúrli jyldamdyq rejımderi qoldanylatynyna nazar aýdardy. Onyń aıtýynsha, keıbir oblystarda uqsas tehnıkalyq sıpattaǵy joldarda ruqsat etilgen jyldamdyq 120-140 km/saǵatqa deıin jetse, Túrkistan men Shymkent baǵytyndaǵy joldarda shekteýler áldeqaıda tómen deńgeıde saqtalǵan.
Osyǵan baılanysty Bolatbek Nájmeddınuly Úkimetten «Batys Eýropa – Batys Qytaı» dálizi men basqa da respýblıkalyq trassalardaǵy jyldamdyq rejımderine keshendi taldaý júrgizýdi, qaýipsizdigi tolyq qamtamasyz etilgen ýchaskelerde ruqsat etilgen jyldamdyqty kezeń-kezeńimen arttyrý múmkindigin qarastyrýdy surady.
Aqyly jol: Tarıf ósti, sapa qaıda?
Budan bólek, depýtat eldi mekender mańyndaǵy, biraq jaıaý júrginshiler qozǵalysy joq jáne barlyq qaýipsizdik talaptary saqtalǵan jol bólikterinde 60 km/saǵattyq shekteýdiń qanshalyqty negizdi ekenin zerdeleýdi, sondaı-aq respýblıkalyq mańyzy bar joldarda jyldamdyq rejımderin belgileýdiń biryńǵaı krıterıılerin qaıta qarap, olardyń óńirler boıynsha ártúrli qoldanylý sebepterin túsindirýdi usyndy.