Mınıstr habarlaǵandaı, ózgerister «Saılaý týraly», «Parlament jáne onyń depýtattarynyń mártebesi týraly», «Respýblıkalyq referendým týraly», «Úkimet týraly», «Prezıdent týraly», «Konstıtýsııalyq Keńes týraly», «Tuńǵysh Prezıdent - Elbasy týraly», «Sot júıesi men sýdıalardyń mártebesi týraly» 8 konstıtýsııalyq zańǵa engiziledi.
«Prezıdent týraly» Konstıtýsııalyq zańynda Prezıdenttiń ókilettikteri konstıtýsııalyq túzetýlerge sáıkes keltiriledi. Atap aıtqanda, Prezıdent Parlament Májilisimen konsýltasııalardan keıin Premer-Mınıstr engizgen usynýmen Úkimet múshelerin qyzmetke taǵaıyndaıdy. Sonymen qatar, Parlament depýtattary Konstıtýsııada bekitilgen tártippen Úkimet múshesin qyzmetinen bosatý týraly ótinish jasaǵan jaǵdaıda, Prezıdent ony qyzmetinen bosatady», - dedi M. Beketaev.
Sondaı-aq, ol «Prezıdent týraly» Konstıtýsııalyq zańnan Prezıdenttiń zań kúshi bar jarlyqtardy shyǵarý, zań jobasyn shuǵyl dep jarııalaý, Úkimetke zań jobasyn Májiliske engizýdi tapsyrý jáne Úkimet aktileriniń kúshin joıý sııaqty zań shyǵarý fýnksııalary alyp tastalynǵanyn da atap ótti.
«Tuńǵysh Prezıdent - Elbasy týraly» Konstıtýsııalyq zańynda Qazaqstannyń Tuńǵysh Prezıdentiniń «Elbasy» retindegi ataýy men mártebesine qatysty túzetýler engiziledi», - dep habarlady M. Beketaev.
«Parlament jáne onyń depýtattarynyń mártebesi týraly» Konstıtýsııalyq zań jańa jıyrma eki de bir (22-1) babymen tolyqtyrylady. Ol Úkimet músheleri kandıdatýralaryn Májilispen kelisý tártibin anyqtaıdy», - dedi mınıstr.
«Konsýltasııalar Májilistiń tıisti turaqty komıtetterinde ótetin bolady. Tıisti kandıdatýralardy Premer-Mınıstr nemese ol ókilettik bergen laýazymdy tulǵa usynady.
Árbir talqylanatyn kandıdatýra jóninde Májilistiń tıisti komıteti qorytyndy shyǵaratyn bolady», - dep túsindirdi M. Beketaev.
Sondaı-aq, ol «Úkimet týraly» Konstıtýsııalyq zańynda, konstıtýsııalyq túzetýlerge sáıkes, Úkimet quramyna kirmeıtin ortalyq atqarýshy organdardy joıý boıynsha ózgerister engiziletini týraly aıtyp ótti.
«Sonymen qatar, Úkimettiń Prezıdent pen Parlament arasyndaǵy qarym-qatynasyn retteıtin normalar bekitiledi. Úkimet Parlament Májilisiniń ókilettik merzimi aıaqtalǵansha qyzmet etedi jáne jańadan saılanǵan Parlament Májilisiniń aldynda ókilettigin toqtatady», - dep qosty mınıstr.
«Saılaý týraly» Konstıtýsııalyq zańyna keletin bolsaq, ol saılaýshylar men saılaý prosesine qatysýshylardyń quqyqtyq saýattylyǵyn arttyrý maqsatynda túzetýler kózdelgenin atap ótti.
«Prezıdenttikke kandıdatqa qoıylatyn qosymsha talaptar engiziledi. Olar: memlekettik qyzmette nemese saılanatyn memlekettik laýazymdarda keminde 5 jyl tájirıbesiniń bolýy, mindetterin oryndaýǵa kedergi bolatyn aýrýlardyń joqtyǵyn rastaý. Ol úshin medısınalyq kýálandyrý ótedi», - dep túsindirdi M. Beketaev.
Mınıstrdiń aıtýynsha, «Konstıtýsııalyq Keńes týraly» Konstıtýsııalyq zańǵa ózgeriske sáıkes, Prezıdenttiń adam jáne azamat quqyqtary men bostandyqtaryn qorǵaý, memlekettiń ulttyq qaýipsizdigin qamtamasyz etýge qatysty ótinishti Konstıtýsııalyq Keńeske joldaý quqyǵy kózdelgen. Konstıtýsııalyq Keńeske júginýdiń jáne Keńestiń sheshim qabyldaýynyń saldary anyqtalady.
«Sot júıesi men sýdıalardyń mártebesi týraly» Konstıtýsııalyq zańǵa Joǵarǵy Sottyń sot praktıkasyn túsindirý fýnksııasyn júzege asyrýdy naqtylaýǵa baǵyttalǵan túzetýler engiziledi. Sonymen qatar, sýdıalyqqa kandıdattarǵa konkýrstyq talaptar belgilenedi. Olardy kúsheıtý maqsatynda aýdandyq sot sýdıasy kandıdattarynyń jasy qaıta qaralǵan», - dep aqparattandyrdy M. Beketaev.
Sondaı-aq, «Respýblıkalyq referendým týraly» Konstıtýsııalyq zańǵa ózgerister engiziledi.
«Referendýmda Respýblıkanyń birtutastyǵy men aýmaqtyq tutastyǵy, ony basqarý nysany, jáne Qazaqstan Respýblıkasynyń Tuńǵysh Prezıdenti - Elbasynyń mártebesi máseleleri qarastyrylmaıdy», - dedi mınıstr.
Zań jobasynyń tusaýkeserine múddeli memlekettik organdardyń, parlamenttik emes saıası partııalardyń, úkimettik emes uıymdardyń ókilderi jáne sarapshylar qatysty. Zań jobasyn odan ári qaraý Májilistiń Zańnama jáne sot-quqyqtyq reforma komıtetiniń tóraǵasy Nurlan Ábdirov basqaratyn jumys toby aıasynda jalǵasatyn bolady. Vse prava zashısheny.
Prı ıspolzovanıı materıalov strategy2050.kz v lıýbyh selıah, krome lıchnyh, gıperssylka na veb-saıt strategy2050.kz obıazatelna.
Prı ıspolzovanıı materıalov strategy2050.kz:
- v pechatnyh ızdanııah ılı v ınyh formah na materıalnyh nosıtelıah - býmaga, plenka ı t.p., polzovatel obıazan v kajdom slýchae ýkazyvat, chto ıstochnıkom materıalov ıavlıaetsıa veb-saıt www.strategy2050.kz;
- v Internete ılı ınyh formah ıspolzovanııa v elektronnom vıde, polzovatel v kajdom slýchae ıspolzovanııa obıazan razmeshat gıperssylký na glavnýıý stranısý veb-saıta strategy2050.kz «www.strategy2050.kz».