...joǵary oqý orny otaý tigedi
Keńes Odaǵynyń Batyry, jerlesimiz Jálel Qızatov atyndaǵy aýyl sharýashylyǵy kolledji – Qyzyljar óńirindegi baıyrǵy oqý oryndarynyń biri. Qazir munda toǵyz mamandyq boıynsha aýyl sharýashylyǵy salasyna mamandar ázirlenedi. Oqýshylardyń sany 700-den asady. Byltyr «Jol kartasy» baǵdarlamasy aıasynda jataqhana, oqý korpýstary kúrdeli jóndeýden ótip, materıaldyq-tehnıkalyq baza nyǵaıtyldy, qazirgi zamanǵy qural-jabdyqtar, qondyrǵylar ornatyldy.
Endi osy oqý orny agrotehnıkalyq ınstıtýtqa aınaldyrylmaq. Bul jóninde oblys ákimi Serik Bilálov Túmen agrarlyq ınstıtýty basshylarymen tikeleı beınebaılanysqa shyqqanda málimdep, bilim berý salasyndaǵy ekijaqty kelisim-sharttyń oıdaǵydaı oryndalatynyna senim bildirdi. Reseılik áriptesterimiz qashyqtyqtan oqytý júıesine daıyn ekendikterin bildirdi.
О́mir ESQALI,
Soltústik Qazaqstan oblysy,
Esil aýdany.
...músinder jan sergitýde
Búginde Astanada turatyn belgili sýretshi jáne músinshi A.Nazarquldyń esimi, ásirese, tarazdyqtarǵa jaqsy tanys. О́ıtkeni, onyń shyǵarmashylyq eńbek jolynyń kóp jyldary týǵan qalasynda ótip, osy qalanyń abyroı-ataǵyn aspandatýǵa arnaldy.
Jaqynda ol Astanadan kelip, tarazdyqtarǵa óziniń qolynan shyqqan jańa músinderin usyndy. Endi tarazdyqtar men onyń qonaqtary sheberdiń qolynan shyqqan tylsym syrly týyndylardy qalanyń dańǵyldary men kósheleriniń boıynan, gúlzarlar men saıabaqtardan tamashalaıtyn bolady.
Oblys basshylyǵy Tarazdan shyqqan talant ıesiniń týyndylaryn jyly qabyldady.
Kósemáli SÁTTIBAIULY,
Jambyl oblysy.
...«Neke saraıy» ashyldy
Jezqazǵan qalasynda sáýlettik ónerdiń sońǵy úlgisimen salynǵan shynyly pıramıda ǵımaraty paıdalanýǵa berildi. Onda neke qııý saltanaty ótkizilip turady.
Metallýrgter saıabaǵy boıyndaǵy bul ádemi nysan qala kórkine erekshe sán beredi. Neke qııý zaly ornalasqan ǵımarattyń ekinshi qabatynda shahar tarıhyna arnalǵan murajaı bar. Otaý tikken jas jubaılardyń alǵashqy bir toby osy jerden neke kýáligin aldy.
Aıqyn NESIPBAI,
Jezqazǵan.