Keshe Memleket basshysy Nursultan Nazarbaev О́zbekstan Respýblıkasynyń Prezıdenti Islam Karımovpen telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti.
Áńgime barysynda Memleket basshysy О́zbekstandaǵy jer silkinisi kezinde adamdardyń qurban bolýyna baılanysty shyn júrekten kóńil aıtty. Nursultan Nazarbaev mert bolǵandar men zardap shekkenderdiń týystary men jaqyndaryna arnalǵan óziniń kóńil aıtýyn da jetkizdi. Memleket basshysy jer silkinisiniń zardaptaryn joıýǵa keńinen qoldaý men kómek kórsetýdi usyndy.
Sonymen qatar, Memleket basshysy Nursultan Nazarbaev pen О́zbekstan Prezıdenti Islam Karımov eki eldiń yntymaqtastyǵyn odan ári damytýdyń birqatar máselelerin talqylady. Atap aıtqanda, ónerkásip jáne aýyl sharýashylyǵy salalaryndaǵy belsendi ekonomıkalyq yqpaldastyq máseleleri jóninde pikir alysty.