2011 jylǵy 25 shildede Ortalyq saılaý komıssııasy Aqtóbe oblystyq saılaý komıssııasynyń usynymy negizinde Aqtóbe oblysy boıynsha Qazaqstan Respýblıkasy Parlamenti Senaty depýtattyǵyna kandıdattardy usyný men tirkeý merzimin uzartý týraly qaýly qabyldady, dep habarlady Ortalyq saılaý komıssııasy.
Bul qaýly «Qazaqstan Respýblıkasyndaǵy saılaý týraly» Konstıtýsııalyq zańnyń 71-baby 7-tarmaǵynyń erejesin oryndaý maqsatynda qabyldandy. Erejege sáıkes eger kandıdattardy tirkeý merzimi aıaqtalǵan kúni Senattyń depýtattyǵyna ekiden kem kandıdat tirkelgen jaǵdaıda Ortalyq saılaý komıssııasy tıisti aýmaqtyq saılaý komıssııasynyń usynýy boıynsha kandıdattardy usyný merzimin jıyrma kúnnen aspaıtyn merzimge uzartady. Al 25 shildedegi jaǵdaı boıynsha, Senat depýtattyǵyna barlyǵy 55 kandıdat tirkelgen.