Jeńimpaz – Madııar Bahtııarov

Búgingi tanymal ánshi­lerdiń «Jas qanat» baı­qaýynda baǵyn synama­ǵandary kemde-kem bolar? Jyl saıyn jańa esimder ashylyp jatady. Úmitterin úkilegen talanttardyń  sho­ǵy­ry bıyl da az bolǵan joq. Ma­myrdyń 12−14-i  ara­ly­ǵynda ótken óner báı­­ge­sinde  elimizdiń túrli óńi­ri­nen kelgen 14  ánshi baq synady.

Baıqaýǵa qatysýshy­lar­­dy baǵalap, ónerlerin ta­ra­zyǵa salǵan qazylar al­qa­synyń quramynda Medeý Arynbaev, Erlan Kó­keev, Nurlan Abdýllın, Mar­jan Arapbaeva syndy sah­na sańlaqtarymen bir­ge «As­tana Opera» teatry­nyń dı­rı­jeri Abzal Muhıt­dınov, professor Raısa Musa­qojaeva, «Astana Ope­ra» teatrynyń bas hor­me­ıs­­teri Erjan Dáýitov boldy. 

«Jas qanat-2017» baı­­qaý­y­nyń bıylǵy bir ereksheligi –  qazylar al­qa­sy men qatysýshylar ara­synda emin-erkin áńgime boldy. Qatysýshylarǵa suraq­tar qoıylyp, keleli keńes­ter berildi. Báıgege qa­tys­qan 14 úmitkerdiń 10-y jartylaı fınal­ǵa jol­dama alǵan bolatyn. Al «Jas qanattyń» eń joǵa­ry marapaty «Altyn qanat­ty» alý jolynda 5 úmit­­ker sahnaǵa shyqty. Olar – taldyqorǵandyq 18 jas­­taǵy Ánel Smaıylova, petro­pavldyq 20 ja­sar Búr­kit Janaı, ósk­e­men­dik «IN CORO» toby, baıqaýdyń eń jas qatysý­shysy 15 jastaǵy Tomırıs Janǵazınova jáne 28 jas­taǵy pavlodarlyq Madııar Bahtııarov. 

Eki birdeı irikteýden ótken ánshiler arasynan «Al­tyn qanat» ıegerin anyq­­taý jaýapkershilik júk­­teıtini ras. Beıbitshilik já­ne kelisim saraıynda ót­ken gala-konsertte Medeý Arynbaev bastaǵan qazylar alqasynyń jeńimpazdar esi­min jarııalaýǵa asyqpa­ǵa­ny da sondyqtan. Kesh bary­synda olar, ıaǵnı tanymal ánshiler jas úmitkerlermen birge óner kórsetip, báseke­niń dúbirin arttyrdy. Sony­men, bıylǵy baıqaýdaǵy jeńimpazdar qatarynda úsh fınalıstiń esimi ataldy. Úshinshi syılyq – «Qola qanatpen»– «IN CORO» toby, ekinshi syılyq – «Kú­mis qanatpen» Búrkit Janaı marapattaldy. Al «Altyn qanatty» pavlodarlyq Madııar Bahtııarov ıelen­di. Fınalda «Gúlstan Qazaq­stan» ánin shyrqaǵan Madııar baıqaý barysynda aǵyl­­shyn tilinde de, orys tilin­­de de ánder oryndady. 

Madııarmen baıqaýdan soń az-kem sóılesken edik. Josparlary týraly bilgimiz kelgen. Pavlodar oblysy, Lebıaji aýdanynyń týmasy búginde Pavlodar qalasynda tura­dy. «Live band Nord Wind» tobynyń solısi eken. Bola­shaqta mýzykalyq bilim alǵysy keledi. Baıqaýdan soń belgili ánshi Marjan Arap­baeva Madııarǵa birge án jaz­ýdy usynypty. Ol úl­ken sahnalardy baǵyn­dyrý­ǵa arnalǵan basqa da josparlary aıasynda áli eńbektene bermek. 

Aıgúl SEIILOVA, «Egemen Qazaqstan»