Búgin Qazaqstannyń basym bóliginde aýa raıy qubylmaly bolady. Keı jerlerde jańbyr jaýyp, naızaǵaı, jel kúsheıip, túnde soltústik aımaqtardyń keı jerlerinde úsik júrýi múmkin. Respýblıkanyń tek ońtústik jáne ońtústik-shyǵysynda kún ashyq. Bul týraly "Qazgıdromet" RMK habarlady.
Aqmola oblysynyń keı jerlerinde jel 15-20 m/s kúsheıip, túnde 2 gradýsqa deıin úsik bolady.
Qostanaı, Soltústik Qazaqstan oblystarynyń keı jerlerinde túnde 2-3 gradýsqa deıin úsik júredi, kúndiz naızaǵaı men jel 15-20 m/s kúsheıedi.
Batys Qazaqstan oblystarynyń keı jerlerinde, Almaty oblysynyń Jalańashkól aýdanynda jel kúshi 15-23 m/s bolady.
Qaraǵandy oblysynda, kúndiz Jambyl, Ońtústik Qazaqstan, Mańǵystaý, Shyǵys Qazaqstan oblystarynyń keı jerlerinde naızaǵaı, jel 15-20 m/s kúsheıedi.
Atyraý oblysynyń keı jerlerinde naızaǵaı oınaıdy.